CHAMPHAI HRIKAI DINHMUN ZIRCHIANG

Get real time updates directly on you device, subscribe now.

Mizorama COVID-19 hripui darh mek zirchiang tura sawrkar laipuiin a rawn tirh, Multi Disciplinary Covid-19 Study Team chuan Inrinni khan Champhai khawpui leh Indo-Myanmar ramri dep khua, Zokhawthar tlawhin Covid-19 hrileng dinhmun an zirchiang.
Dr. L. Ashananda Singh, Senior Regional Director, Regional Office for Health & Family Welfare (ROHFW), Imphal kaihhruai Central Team hian Zokhawthar tlawhin, ramri depa Covid-19 hrileng darh zel tur dona kawnga hmalak dan an zirchiang a. Ramri kante uluk taka enfiah leh Covid-19 hrikai hmuhchhuahte genomic sequencing tih a, eng Covid variant chiah nge a nih tih finfiah tura hmalak a tul tih an sawi.
CMO Office Champhai tlawhin, hrileng dona kawnga hmalak dan hrang hrangte enfiahin thawktute chu an hmalak dan an zawtfiah a. Hri endik kalpui dan, thawktu leh hmanraw neih dan, hri kai hnuchhui kalpui dan kimchang, hri kai enkawlna hrang hrang dinhmun, Oxygen dinhmun, vaccination kalpui dan leh CAB zawm that a ni em tihte leh tul dangte zawtin an zirchiang a ni. Heng bakah hian Covid hrikai enkawlna hmunte an tlawh bawk.
Dr. Pachuau Lalmalsawma, State Nodal Officer, IDSP Mizoram & Nodal Officer, Covid-19 ni bawk chuan, Central Team-te hi Aizawl atangin a rawn tawiawm a. Champhai District chhunga Covid-19 hrileng dona kawnga hmalak tawhna leh hmachhawpte a enfiah bawk. Multi Disciplinary Covid-19 Study Team member rawn kalte hi Regional Office for Health & Family Welfare, Imphal atangin Dr. L.Ashananda Singh, Senior Regional Director leh Dr. RK
Priyabarta Singh, Senior Regional Director-te an ni a. National Centre for Disease Control (NCDC), Delhi atangin Dr. Vinita Gupta, Consultant Epidemiologist leh Dr. Varun Singh, Epidemiologist-te an rawn tel bawk a ni.
Multi Disciplinary Covid-19 Study Team hian October ni 5 khan Mizoram an rawn thleng a, State Integrated Disease Surveillance Programme (IDSP) hotute leh, Aizawl khawpui chhunga CMO pahnihte an kawm a. District hrang hranga Chief Medical Officer (CMO) te video conference an neihpui tawh bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More