CHAMPHAI KHAWPUI TANA HMATHLIR

Get real time updates directly on you device, subscribe now.

Nimin khan Champhai South Bialtu MLA, TJ Lalnuntluanga chuan a Pisa-ah Champhai khawpui leh a chheh vel cheibawla, hmasawnna ruhrel hrang hrang din dan tur, Champhai Master Plan chungchang Town & Country Planning, UD&PA Department hotu liante a sawipui.
Champhai Master Plan-ah hian Leilet phaizawl humhalh leh Satellite town te chu Champhai khawpui nen khairual taka kaltir tum a ni a, sorkar leh mipui hmunhma pawh fel taka rem tum a ni a.
He hunah hian R.Lalhmangaihzuali, Asst. Director, Town & Country Planning, UD&PA chuan Master Plan chungchanga thu pawimawhte a tarlang a. Champhai Master Plan chu Urban Development Plan hnuaia siam, Mizoram Urban & Regional Development Act, 1991 zulzuia duan a ni, a ti a. Champhai Town Area (Revenue boundary) zau zawng chu 47.8 km² niin, Proposed Planning boundary chu 73.89 km² a ni, a ti bawk.
R.Lalhmangaihzuali chuan Champhai town area ah VC 18 an awm mek a, heng VC 18 hi zone 12 a then tura ruahman a ni a. Zone 12 zingah mihring chen tamna ber leh hectare 27 a zau Vengthlangah mipui 5,500 vel an khawsa mek a. Venglaiin dawtin hectare 22 vela zauah mipui 4,320 vel an khawsa mek bawk a. Hetih lai hian Zote chu hectare 933 vela zau niin, mihring 1,862 vel an cheng mek tih a tarlang bawk.
Survey-a a landan chuan Champhai town area-ah mihring chenna In chhawng khat awm zat chu 59.1 % a ni a, Chhawng hnih chu 29.0 % niin, Chhawng hnih aia sang chu 11.9% a ni a. Champhai town huam chhungah kumin 2021 hian mihring 43,375 awm tling tura ngaih a ni a, kum 2041 ah chuan 64,555 a pung tur a ngaih a ni thung.
He hunah hian hmalakna leh hmachhawp hrang hrang ngaihthlak niin, hun remchang hmasaah inrawnkhawm leh ni se, an ti.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More