CHAMPHAI LEH HNAHLAN-AH GRAPE RAH LEI TAN

Get real time updates directly on you device, subscribe now.

Champhai Grape Growers Society chuan nimin atang khan Winery-a her turin Grape rah an lei tan a.
Champhai Grape Growers Society Chairman chuan Grape rah hralhna dang an hriat loh avangin Grape rah hi Winery-a dah tura lei loh theih a ni lo tih a sawi. Zu khapna danin Grape atanga Wine siam khap tel mah se, Tlangsam Winery-ah Grape rahte hi lei a ni a. Champhai Grape Growers Society Chairman HS Vanlalfakzuala chuan, Sorkarin Wine Rules-ah Grape telh lo pawh ni se Grape rah hralhna dang a awm loh avangin Grape hi la lo thei lo an nih thu a sawi a. Sawrkarah Wine Rules siam tura an ngenna chu a hlawhtlin ngei an beisei thu a sawi bawk.
Champhai Grape Growers Society hian Champhai leh a chheh vela Grape chingtute thar chhuah hi Kg-ah Rs. 60 zelin an lei sak a, nikum lam aiin Kg-ah Rs. 10-in an lei to zawk a ni. Kumin hian nikum lam aiin Grape rah a that avangin Quintal 1000 – 1500 inkar vel lei theih an inbeisei thu Society hruaitute chuan an sawi.
Hnahlan grape chingtu pawl hruaitute sawi danin Hnahlanah chuan grape rah quintal 618 leikhawl tawh a ni a. Kg.1 Rs.60/- zelin an leikhawl a, an lei khawl apiangte chu a sawrna khawlah hersawmin an sawr nghal zel a ni. Hnahlanah hian kum kalta khan grape quintal 511 Kg.1 Rs.50/- zelin leikhawl a ni a. Heng te hi sawr fel vek a ni a, an hralhchhuak mumal thei lo va, grape tui sawr sa Litre 30,000 chuang zet an nei sa a, kumin hian quintal 800 vel lei tur a awm an beisei a ni.
Hetihlai hian Kumin May ni 27-a Excise & Narcotics Dept-in Wine an man sak chu pe let leh turin ngen mah se, vawiin thlengin pek let an la nih loh thu sawiin, Sorkarin a pek let leh ngei an beisei tih CGGS hruaitute chuan an sawi bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More