CHAMPHAI LEH HNAHLAN GRAPE CHINGTUTEN SAWRKAR HOTUTE HMU

Get real time updates directly on you device, subscribe now.

Champhai leh Hnahlana Grape chingtu pawl hruaitute chuan an Grape thar atanga Wine siam phalsak turin Chief Minister Zoramthanga leh Dy Chief Minister Tawnluia an ngen.
Champhai leh Hnahlan khuaa Grape chingtu pawl hruaitute hian nimin khan Chief Minister Zoramthanga leh Dy CM Tawnluia, MLP Drafting Committee chairman ni bawk chu a hran ve ve in an hmu a. MLP Rules thar duan mekah Grape atanga Wine siam chhuahah alcohol zaa 11 tel siam chhuah phalsak tur leh, tuna Wine an kawl mekte chu Zoram hmun hrang hrangah a hralhna tur buatsaih sak turin an ngen a.
Chief Minister an hmu hnu hian zawhna chhangin HS Vanlalfakzuala, Champhai Grape Growers’ Society Chairman chuan, an thu thlen chu an lo ngaihtuah tur thu leh, sawiho a nih tur thu in an lo chhang tih a sawi a. An thu thlen chu tun dinhmunah a hlawhtlinna hmuh mai theih ni lo mah se, sawrkar chu pa ber a nih angin an mamawh chu an phuhruksak turah an ngai tih a sawi.
Champhai leh Hnahlan khuaa Grape chingtu pawl hruaitute hian Central YMA hruaitute pawh nimin khan an hmu zui leh nghal bawk niin thu dawn a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More