CHAMPHAI MAMAWH MZP TEN CM HNENAH THLEN

Get real time updates directly on you device, subscribe now.

MZP Hqrs Champhai hruaitute chuan Chief Minister, Health Minister leh Education Minister-te an hmu a, Champhai mamawh hrang hrang an sawipui.

MZP hruaitute hian Thawhlehni khan Chief Minister hmuin, MSSSB exam center Champhaia dah a nih ve theih nan CM hnenah lehkha an thehluh chu an sawipui a. CM hian hma a laksak tur thuin a thlah a. Hei bakah hian Polytechnic Tlangsam leh ITI Zote pawh class kal theih tura ruahmanna siamsak turin CM hi an ngen bawk a. MZP hruaitute hian Health Minister Dr. R. Lalthangliana hmuin GNM, Nursing School Champhai chu nakkum atanga class tan thei tawh tura hma laksak tur te, Champhai District Hospital-a Nurse leh Group D indaih lohna chungchang bakah Govt Champhai College-a zirtirtu indaih loh chungchangte an thlen.

Nilaini khan Education Minister Lalchhandama Ralte hmuin MBSS site office, Champhaia dah a nih theihna turin lehkha an theh lut a. Champhai DIET-a B.Ed zirna dah chungchang an sawipui bawk a. Minister hian State sorkar atangin B.Ed zirna hi dah phalna a awm tawh thu sawiin, NCTE-in an approved hun hunah dah theih a nih thuin a lo chhang a ni. MZP hruaitute hian Champhai South bialtu MLA TJ Lalnuntluanga, Transport Minister leh Champhai North bialtu MLA Dr. ZR Thiamsanga te an hmu bawk

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More