CHAMPHAI MAWINA LEH NAWMNA VAWNGHIM TURIN A CHHUNGA CHENG PAWIMAWH BER

Get real time updates directly on you device, subscribe now.

Hapta hman zawh hnua khar-a tawp mai tur ni lo, kum tluana hman tur a ni tih sawiin, District Bawrhsap Maria CT Zuali chuan nimin chawhnu khan Horticulture Complex, New Champhai-ah Faina Hapta hman mek chu a khar.
He hunah hian District Bawrhsap Maria CT Zuali chu khuallian a ni a. Khualian chuan faina kawnga hmalakna chu hapta zawh hnua khara tawp mai tur ni lo, kumtluana hman tur a ni, a ti a. Champhai District fai lehzual nan mi tinin mawhphurhna kan nei vek a ni tiin, chhung tinin nitin darkar khat tal faina lam hawia hma kan lak phawt chuan, district fai leh thianghlim ber kan ni thei dawn a ni, a ti a. Sik leh sa nuam, hmun hring leh mawi, leilet zawl mawi tak leh khaw dangin an neih loh hmunhma nuam tak tak awmna, Champhai District vawnfai leh humhalh kawngah district mipui chu theihtawp chhuah turin a chah a ni.
Champhai mawina leh nawmna vawnhim kawngah a chhunga chengte ngei an pawimawh ber thu sawiin, tibawlhhlawhtute pawh keimahni ngei kan nih thin avangin khawpui leh a chheh vel hmunhma nuam leh mawiahte kan len pawhin bawlhlawh kan thehthang mai mai tur a ni lo, a ti a.
Hmunhma pawimawh leh len velnaahte bawlhhlawh bawm siam vek tum a nih thu sawiin, zirna in, pawl, khawtlang, office leh kohhranah ngawrh taka faina chungchang kan inzirtir zel chuan chak takin hma kan sawn thei dawn a ni, a ti bawk.
Faina Hapta puala chanchinbu, mipui zirtirna ziak tha berah Lenrual thlan niin, Pasaltha pahnihna an ni a, Rihlipui pathumna an ni a. Lenrual chanchinbu hian UD&PA department in Mizoram pum huap faina lam hawi chanchinbua tarlang tha a thlan chhuah zingah pathumna a dawng bawk.
Lawmman hrang hrang buatsaih dawngtu te:-
Veng fai
1-na : Zote
2-na : Venglai
3-na : Kahrawt
Pisa fai
1-na : Dist. Treasury Office
2-na : Superintendent of Po-
lice Office
3-na : SE, PHED Office
Sikul fai
1-na : Champhai HSS
2-na : Vengsang H/S
3-na : PES Zotlang
Restaurant fai
1-na : BSP Restaurtant,
Vengthlang
2-na : Purple Orchid, CHANEM
3-na : LL Mega, Awmpui phei
Hotel fai
1-na : Hotel Hranga Plaza
2-na : Chawngthu Hotel
Bazar fai
1-na : Bethel Bazar
2-na : Bazarpui, Vengthlang
3-na : Electric Bazar
Damdawi in fai
1-na : DM Hospital
2-na : District Hospital
3-na : Med Aim Hospital
Photography
1-na : Zosangzuala, Vengthlang
2-na : Laltanpuia, Chhungte
3-na : Lalhriatpuia, Venglai
Minute 1 chhung mobile
video siam
1-na : Lalhruaitluangi, Venglai
2-na : C.Lalrindika, Vengthlang North
3-na : K.Lalchamliana, Vengsang

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More