Mizoram EXIM Union, Hqrs Champhai chuan nimin khan chhawmdawlna Pawisa fai Cheng Nuai 3 an sem.
Mizoram EXIM Union, Hqrs Champhai hian DDMA Champhai hnenah a tul apianga hman turin DDMA, Chairman Maria CT Zuali kutah Cheng 1,00,000 an pe a, SYMA kutah Cheng Nuai 1, NGO CC Champhai kutah Cheng Sing 5; hun rei tak Containment Zone-a puan
Zokhawthar YMA hnenah Cheng 50,000 an pe bawk.
Pawisa fai hlanna hun tawi SYMA Office Tlangrawta hmanah hian SYMA President F Lalrinmuana chuan, YMA hian pawisa fai sem chhuah tur nei lo mah se, a tha thawh zawngin theihtawp an chhuah ve thin tih a sawi a. Hri leng bakah Myanmar-a sawrkar inthlak avanga Zohnahthlak unaute buaipui an ngaih avangin YMA chuan a theih chin chinah hma a la a.
Mizoram EXIM pawlin chhawmdawlna Cheng Nuai khat lai an pe chu YMA a lawm hle tih sawiin, tangkai tak leh a dawngtu tur dik takte hnenah pek chhuah a nih tur thu a sawi bawk.
EXIM hruaitute chuan hri do kawngah leh raltlan buaipui kawnga SYMA hahzia an hriat avangin chhawmdawlna hi pe an nih thu an sawi a. YMA hmalakna kawng hrang hrangah an tel vena awm chi a awm a nih chuan an tlanchhiat loh tur thu an sawi bawk.
Comments are closed.