CHAMPHAI NORTH MLA IN RT-PCR KHAWL THLEN HUN SAWIFIAH

Get real time updates directly on you device, subscribe now.

Champhai North Bialtu MLA, Dr ZR Thiamsanga chuan, Champhaia RTPCR khawl dah tur chu ICMR duh dan ang ngeiin bun a ni dawn, a ti.
Dr ZR Thiamsanga chuan RTPCR dahna tur Building chu a drawing peih fel vek tawh a nih thu sawiin, October ni 11 ah RTPCR hi Champhaiah phurh chhoh a ni ang a, mithiamte nen a bunna tur hi enfiah a ni dawn, a ti.
RTPCR bunna tur hian Pawisa eng emaw zat ruahman tawh a nih thu sawiin, a bak chu sawrkarin a tul ang zelin a ngaihtuah dawn, a ti a. Champhai District Hospital-a dah tur RTPCR khawl chu ICMR duh dan ang ngeiin din a ni dawn, a ti
Dr ZR Thiamsanga chuan a rang thei ang bera RTPCR bun chu MLA te duh dan ni mah se, mithiam zawk te’n an ngaihtuah ang a, a building sak zawh hmaa bun lawk tha an tih chuan bun lawk a ni ang a, technical lama tha lo a awm a nih erawh chuan sawi theih an nei lo tih a sawi bawk.
Dr ZR Thiamsanga chuan Champhaia RTPCR khawl dah tur chu hun rei tak up bo ang a Social Media-a thuthang awm chungchanga zawhna chhangin, ICMR-ah Kum 2020 khan dil a ni a. Kum 2021 August ni 1-ah RTPCR khawl hi pek an nih tur thu an dawng tih sawiin, RTPCR khawl lo thlen hi Kumin September chawhnu lam a ni, a ti a. Champhai ta tur hi AIIMS lamah lo thawn a nih avangin, ZMC-a RTPCR awm chu Champhaia phurh chhoh tura lak chhuah a nih thu sawiin, AIIMS-a Champhai ta tur awm chu ZMC lamah dah ve leh thung a ni ang, a ti.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More