CHAMPHAI OIL PUMP PATHUMTE TEHNA ENDIK

Get real time updates directly on you device, subscribe now.

Social Media thenkhat ah Champhai a kan Petrol/Diesel pump neih te an tehna a dik tawk lo a awm nia sawi thin chu National Trade Union of Mizoram (NTUM) Sub- Headquarters, Champhai chuan a tak ngei a fiah tul a ti a. National Trade Union of Mizoram (NTUM) Sub-Headquarters, Champhai leh District Legal Metrology Department, Champhai District te chuan nimin khan Champhai khawpui chhunga Petrol/Diesel pump pathum kan neih te an meter a dik em tih enfiahna neih a ni a, he enfiahna atan hian Legal Metrology Act hnuaiah ‘Working Standard Capacity Measure’ hmang a dik taka enfiah niin pump kan neih pathum te hian dik takin mipui hnenah Oil an neih te an hralh thin tih finfiah a ni. Oil an pump-na khawl pawh District Legal Metrology Department in an lo seal tawhte enfiah vek ni bawkin, an khawl pawh a him tih mipui hriatah kan puang a ni. Heng bak ah hian a tul dan a zirin Legal Metrology Department leh National Trade Union of Mizoram (NTUM) te chu ram leh mipuite tana tha turah kan thawk ho zel tiin thu chhuah an siam a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More