CHAMPHAI POWER DEPT. TAN TIH VAK NGAIHNA AWMLO

Get real time updates directly on you device, subscribe now.

Tunlai Champhai-in power supply a dawn chhiat em avangin mipuiten harsatna kan tawh nasat em avangin YMA Sub-Headquarters, Champhai chuan nimin khan Power lam a hotute an hmu.
Sub-Headquarters YMA, Champhai hruaitute chuan SE P&E Department hmuh tum mahse SE hi CE pension tur avangin Aizawl lamah a lo zin lai a nih avangin EE, J.Lalhmachhuana chu a pisa-ah an hmu a. Er. J.Lalhmachhuana chuan Champhai in power supply a dawn chhiatna chhan hi Zuangtui to Khawzawl inkar a nih thin avangin Champhai District P&E thawktute tan tih vak ngaihna a awm loh thu leh, Champhai District chhungah chuan line tha lo a awm lo tih a lo hrilh a.
Champhai District-in power supply tha zawk a dawn theih nan sawrkar hotute hnenah YMA Sub-Headquarters, Champhai chuan bawhzui zel an tum tih thu kan dawng.
Ni.28.9.2021 hian Khawzawl to E.Lungdar 132kV line Test Charge ani dawn a, hemi chungchangah Pu K. Duhsanga, Sr. EE Khawzawl Power Division thuchhuah siamin hemi chhung hian he line in a kaltlang khua E.Lungdar, Biate, Sialhawk, Khawhai, Chalrang, Chawngtlai leh Khawzawl te hian tower leh line hnaih a mihrinh lo awm lo tur leh line khawih phak a thing/mau kit lo turin min ngenin mipuite min hriattir a.
Hemi hun chhung hian Spark emaw thawm danglam hria kan awm chuan SDO/JE(Phone No. 9862382628 / 8731889015) te hnenah min lo hriatir turin min ngen nghal bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More