Nimin khan Champhai Police-te chuan Champhai SP kal chhuak tur Rex Zarzoliana Vanchhawng thlahna hun an hmang.
SP thlahna hun hi SP Complex tualah hman niin, C.Lalengliana Addl. SP chuan a kaihruai a. SP kal chhuak tur Rex Zarzoliana Vanchhawng chu a kaihhruaina hnuaiah thlamuang taka thawh an la kham lo hle tih Addl. SP chuan sawiin, a hnuaiah SP Office-in Office fai ber lawmman an dawng thei te, hnuchhui kawngah Champhai-in hma a sawn nasat thu a sawi a.
Ngaihtuahna fing tak nena mi kaihruai thin a nih thu sawiin, thil thar hmachhawn kawngah leh mi theihna hai chhuah kawnga a hmalaknate fakawm a tih thu a sawi bawk. Hna ngai pawimawha inpe mi leh hun vawn dik ngai pawimawh mi a nih avangin Champhai Police-te pawhin inthununna kawngah hma an sawn nasa hle tih a sawi bawk.
SP thlahna hunah hian CID(SB) Champhai MPRO leh F&ES Dept. aiawhte’n thlahna thu an sawi bawk a ni. Rex Zarzoliana Vanchhawng hi Champhai-ah kum 1 leh thla 8 chhung a awm a, Champhai chhuahsanin Lunglei SP hna a zawm dawn a ni.
Comments are closed.