Champhai sumdawngte chhiah dik taka pe a midang tana malsawmna ni zel turin sawm

CIETU ten mipui mamawh motor pahnih lei

Get real time updates directly on you device, subscribe now.

MJA Champhai District President, Lalhmingmawia Pachuau chuan, Champhaia Sumdawng pawl pakhat, CIETU member te Sorkarin Dan leh hrai a neihte ngai pawimawh a, Sorkara chhiah dik taka pe thin tur leh midangte tana malsawmna ni zui zel turin a sawm.
Inrinni khan Recovery Van leh Ambulance, mipui te’n an hman theih tur a tlangzarhna ah he thu hi sawiin Lalhmingmawia Pachuau chuan, Champhai Import, Export & Transport Union (CIETU) in mipui awlsamna tura an hmalakna lawmawm a tih thu a sawi a. Champhai Import Export & Transport Union hian kum 2017 atang khan thawhlawm thawh tanin, nikum kum tawp dawn khan Recovery Van Cheng Nuai 32 man leh Ambulance lian chi Cheng Nuai 17 chuang man leiin Inrinni atang khan mipui ten tlawm zawka an hman theih turin tlangzarh a ni ta a.
Ambulance hi lirthei lian deuh hlek leh Air Condition a ni a, a chhungah hian Oxygen bur 2, Nebulizer leh B.P. endikna hmanrua dah a ni a. Mobile signal awmlohna hmunah a lo chhe palh a nih pawhin Emergency button
hmetin TATA Company in an awmna chin an rawn hre thei dawn a, a hman man pawh midang ta aia man tlawm zawk turin ruahman a ni a, mi harsa zawkte phei chu man tlawm leh zualin, a tul chuan a thlawna hman theih tur thlenga ruahman a ni bawk.
Recovery Van hi lirthei len dan indawta a hman man pawh bithliah a ni bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More