PRESS RELEASE
Sawrkar hmalakna hnuaiah National Highway No. 6 (Seling – Zokhawthar) kawng laih hna chu chak taka thawh mek a ni leh kawng pawh a theih dan ang anga pawh tawi a ni tur hi Mizoram Sawrkar chungah Champhai Thalai Pawl chuan lawmthu a sawi tak meuh meuh a.
Khaw pakhatin kawng pawt tawi tura hmalakna chu an khua a tlawh dawn loh avanga duh loin kawng ti thui zawnga an khaw paltlang tir tumna a awm hi pawi kan ti hle a. National Highway No. 6 hi Champhai khawpui chhungah lutlo in Champhai khaw daiah zal nuam takin a kal a, khawchhung lut tluka Champhai mipuite ber pawhin kan ngaih laia hetianga harsatna siam zawnga khaw pakhatin hma an la hi thil an ngaihtuah chian loh vangah a ngai a. National Highway kawngpuiin a paltlang chuan an beisei loh lam atangin harsatna lian tak an tawk dawn a ni tih hi hrenawn se tih hi Champhai Thalai Pawl chuan a duh takzet a. Ram dang leh hmun dangah pawh an khaw daiah an kal tir hram hram laia mahni chhungkaw nunna pawh ngaituahlo a ‘mahni kawt kaiah ngei’ tih rilru an pu tlat hi pawi kan tiin ngaihtuahna seng nawn leh se kan duh tak zet zet a ni.
Kan Sawrkar pawhin hun rei tak ruahmanna a lo siam, thui tak anlo kalpui tawh ang ngei hian he Seling – Zokhawthar National Highway hi kaltlangpui turin kan ngen a, Champhai leh a chhehvel khuain kan State Capital Aizawl panna kawngpui tha leh tawi kan neih theih nan Champhai Thalai Pawl chuan theihtawp kan chhuahzel dawn a ni.
Issue by : Champhai Thalai Pawl
Comments are closed.