Champhai Thalai Pawl ten Champhai hmasawnna tur ngaihtuah

Get real time updates directly on you device, subscribe now.

Nimin chawhnu dar 2 khan Champhai Thalai Pawl chu Champhai Dist. hma sawnna atana hma lakna hrang hrang chungchangah an thu khawm.
Champhai Thalai Pawl chuan NH6 (Seling – Zokhawthar) kawng laih mek chungchang sawi hoin, kawng laih chu chak zawk leh tha zawka kalpui a nih theih nan a hranpaa Pawl hminga hma la lo a, NGO Coordination hminga hma lak mai tha an ti a. Hei bakah hian, Champhai-a Jio Signal chhiat avanga Champhai Thalai Pawl ten Dec. 1, 2020 a an Office an kalsak chungchangah Jio Centre atanga Jio Center Manager-in an Office hawnsak tura a rawn ngenna chungchang an sawi ho bawk a. Champhai Thalai Pawl chuan mipui rawng bawlsaktu an nih angin an harsatnate mipuite a rang thei ang bera hriattir tur leh Fibre a chah pawha Signal pangngai tak mipuite’n kan hman theih nan Back-up dah vat turin an ngen nghal a. An Office pawh hawn sak an rem ti nghal bawk.
Champhai Thalai Pawl chuan District Hospital, Champhai-a Solar Light siam that chungchanga Mizoram Sawrkarin ZEDA kuta pawisa a dah tawh chu Inverter siamtu Company te an awm tawh loh avangin siam that ngaihna a awm tawh loh bakah Generator lian tak pahnih kan neih tawh avangin ZEDA kuta pawisa awm hi damdawi in tih changtlun nana hman a nih theih nan Medical Superintendent kawm ni se an ti a. Project lian thamah reng reng Sawrkar lam hotute chu anmahni saphing tih len nana Clearance Certificate pe tawh lo turin an ngen nghal bawk a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More