CHAMPHAI THALAI PAWL TEN RT-PCR BUNNA HMUN TUR TLAWH

Get real time updates directly on you device, subscribe now.

Nimin khan Champhai Thalai Pawl (CTP) te hian Eye Ward Building-a RTPCR khawl bun lai lawkna tur siam mek an tlawh a, CṬP hruaitute chuan Champhai District Hospital-a RPTCR khawl bun hna thawh mek a ni chu lawmawm an tih thu an sawi a.
Hetih lai hian Kum 8 chuang Electric Wiring lo hman tawhte rin nghal tum a ni chu tha lo an tih thu an sawi a, eng pekna ringawt atan chuan Electric hrui in zam sa te hi rintlak mah se, khawl tha tak tak chawm tur chuan a rintlak lova an hriat thu an bawi bawk.
Hei bakah hian khawl dahna tur room-a ceiling te rin nghal tum a ni bawk chu tha lo an tih thu sawiin Celing khi leh phui lo te chuan khawl a nihna angin hna a thawhtir thei dawn lova an hriat avangin Ceiling pawh siam that vek theih nise an duh thu an sawi bawk.
RTPCR khawl bunna tur siam mek viltu Engineer chuan RTPCR khawl bun lailawkna tur siamna atan hian Cheng Nuai 18.8 dah a nih thu sawiin ruahman sa pangngai bak chuan ama thua tihdanglam theih a nih loh thu a sawi a, Khawl bun theihin February thla chhungin peih theih an inbeisei tih a sawi bawk.
CṬP chuan Electric hrui leh Ceiling awmsa te ring lova, a tha thei ang ber thuam turin Directorate of Hospital and Medical Education-ah thlen an tum tih an sawi.
CṬP te hi Dr. Zatluanga Medical Superintendent, Dr. Krossnunpuii, Microbiologist leh a viltu Engineer-te’n an lo dawngsawng a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More