Law & Judicial Minister, TJ Lalnuntluanga chuan Govt. GM Higher Secondary School-a zirtirtu indaih lohna chungchangah School Education Minister leh Joint Director, School Education-te a kawm.
Minister Manuna chuan, khaw chhak tlang dunga zirna In pawimawh leh hlun ber zinga mi, Govt. GM Higher Secondary School chu mi thiam leh hlawhtling tam tak lo chhuah tawhna, Champhai khawpui chhung mai bakah, a chheh vel khua hmun hrang
hrang atanga zirlaite’n an pan khawm a nih thu leh, School Enrollment pawh 700 – 800 an ni reng thin tih a sawi a.
Amah ngei pawh he School atanga zir chhuakte zinga mi a niin, a ngaih pawimawh thu a sawi a. Govt. GM Higher Secondary School-ah hian zirtirtu boral, pension leh transfer an awm avangin tun dinhmunah zirtirtu indaih lohna a nasa hle tih a sawi a.
SEDP hnuaia Grants-in-aid (GIA) zirtirtu lak turah Govt. GM HSS chu ngai pawimawh a, zirtirtu pek belh turin a Minister leh Department hotu liante chu a ngen a. Zirtirtu indaih lohna avanga an harsatnate chu sut
kiansak turin a beisei tih a hrilh bawk.
Pu Manuna hi vawiin ah Champhai- ah a rawn chho dawn a. Karleh Thawhtanni chawhma dar 10:00 ah Kahrawt Field-ah Kangmei Ven Hapta a hawng ang a, chhunah MNF Champhai South Block meeting-ah a tel ang. Minister hian Thawhlehni chawhma dar 10:30 ah Champhai Town Master Plan Committee thutkhawmah a tel ang a, chawhnu lamah MJA Champhai District Annual Conference a hmanpui ang a. Nilaini zing dar 9:30-ah Govt. GM HSS a tlawh ang a, chawhma dar 11:30 ah Handloom Expo ah hun hmangin, hemi hnu hian Aizawl panin a kir thla leh ang.
Comments are closed.