Champhai Tualchhung Chanchinthar

MZP Hqrs Champhai buatsaih in nimin chawhnu khan 1&PR Conference hall ah zirlai te tán career guidance hun hman a hi.

He hunah hian Lalrammawia Tlau Vice President MZP hqrs Champhai in kaihruai in Champhai mi, C. Lalthazuala, Asst Commissioner of State Tax leh H.Lalramhluna, Advocate ten zirlaite hriat duh te hrilh hriatna TBC Lalvenchhunga hun an hmang a ni. He hun hi discussion anga hmangin a lokal apiang te zawhna uluk taka chhangin tum mumal tak neia lehkha zir turin an lo fuih zel a ni. Mahni zir chhunzawm tur leh hnathawh tum mila lehkha zir dan tura zawhfiah duh nei chuan MZP Hqrs Champhai Office chu inthlahrung lo a pan zel turin an sawm a ni.

Nimin khan Tlangsam khawtlang chuan Inrinnia bungrua engmah chuh hman loha kang ral Pu Hrangkianlova In chu hnatlangin an sak tha.

Tlangsam VC te kaihhruaiin nimin khan insak hnatlang hi neih niin, hnatlanga thawk chhuakte hian in sakna chak an neih ang ang an ken khawm bakah tanpuina lut hrang hrang atangin in sakna bungrua an lei bawk a. In hi a dung Feet 24 leh avang Feet 12 a zauvin Assam Type-a sak a ni a, niminah in sak hi zawh hman a nih loh avangin vawiin hian sak

chhunzawm leh a ni ang

ISL club, Bengaluru FC chuan Champhai naupang pahnih F. Lalhmingchhuanga s/o F. Lalhmachhuana, Kahrawt leh H.Lalrinpuia s/o H.Lalramnghaka, Venglai te chu an Academy a awm turin an thlang a, heng naupang 2 te hi trial lo in direct in an la a. Reliance Football Academy a awm tur final selection nei thei turin Ramdinpuia s/o C. Rodingluaia, Hnahlan leh Lalchhanhima s/o Lalsiamliana, Venglai te an tling bawk a. Final selection hi Bangaluru-ah neih a ni ang a, India ram state danga mi te nen Academy a lut tur hian an inel dawn a ni.

Nimin khan Bethel Mission School chuan HSLC result chhuak ta a an school result lawmna hun an hmang a, C.Hualrikhuma, Dy DPO RMSA chuan khuallian hiin a hmanpui.

Petrol (ms) Free Sale

Diesel (hsd) Free Sale

Petrol (ms) Service Tanky

Diesel (hsd) Service Tanky

Petrol (ms) Free Sale 

Diesel (hsd) Free Sale