ZOKHAWTHAR SUMO FARE RS 100 :
Niminpiah khan District Transport Officer (DTO) Abraham Beirazi Khithie hovin Champhai – Zokhawthar Maxi Cab Service rate chungchanga harsatna awm mek sawihona hun DTO Office Champhai ah neih a ni. Meeting ah hian nguntluk taka sawrkar lama hotute, khawtlang aiawh leh maxi cab Joint Welfare hotuten sawihona an neih hnuah tuna rate hman lai Rs. 150 chu khawtlang mipui lam atanga sawiselna a tam avangin a hma a lo tlan dan rate Rs. 100 a tlan leh mai tura thutlukna siam ani a. He thutlukna hi Maxi Cab Services Association member te chu thuawih taka zawm hram tura ngen leh hriattir an ni.
Meeting ah hian MVI, Enforcement Inspector, Maxi Cab Joint Welfare Chairman, Vice Chairman, Member dangte leh Zokhawthar khawtlang aiawhin Consumer Union Chairman, MUP President, YMA, MHIP leh VC Secretary theu an tel a ni.
CHAMPHAI DISTRICT ATANGIN TOP 10 AH MI 1 LANG :
Nimin khan Mizoram Board of School Education chuan Matric result a tichhuak a, Champhai District atangin JK Malsawmzeli, PES Khawzal Vengthar chu top 10-ah a lang.
Kumin Matric exam-ah hian St. Paul’s Higher Secondary School zirlai Lalremsiama Darchhun chu pakhatna a ni a, mark 477 a hmu a ni. Champhai district-a zirna in atangin JK Maldawmzeli, Pu J Lalrotluanga fanu, PES Khawzawl Vengthar chu 9-na a ni a, mark 460 a hmu a ni.
Champhai District-a high school zingah candidate zaa za pass thei school 18 an awm a, hengte hi Bethel Mission school, B.C Lalthlamuana English Academy, King Solomon’s School, PES, Khawzawl Vengthar, Springdale Academy, PES, Khawzawl, PES, Zotlang, Chiahpui H/S, Dilkawn H/S, Govt. Bungzung H/S, Govt. Saichal H/S, Lurhtlang H/S, Khankawn, Pawlrang H/S, Riangtlei H/S, Riangtlei Thangkunga H/S, Tlangpui, Tlangsam H/S , Vapar Sec. School leh PES, NE Khawdungsei te an ni a. Pass nei lo school hi Govt Vanzau HS leh Vangtlang HS te an ni.
Bethel Mission School hian candidate 33 neiin distinction-ah 25 an pass a, first division ah 7 leh second division-ah mi 1 pass in 3rd division-a pass an nei lova, Champhai district-a zirna in zingah kumina matric result nei tha ber an ni, Champhai District-ah hian candidate hi 2063 an awm a, heng zinga mi 1606 an pass a, fail hi mi 467 awmin pass percentage hi za zela 77.85 a ni. Zirlai 88 chu distinction-ah an pass a, 1st division-ah mi 348, second division-ah mi 663, third division-ah mi 494 an pass ve bawk.
FORM LA CHHUAN MI 278 AWM :
Kum 2017 chhung khan Employment Exchange ah Registration form la chhuak mi 278 an awm.
Sawrkar Department hrang hrang ah hnaruak a awmin Employment Exchange Department ah registration form la in hna an dil thin a, kum kal ta kum 2017 chhung khan mipa 164 leh hmeichhia 114 te chuan Employment Exchange Office ah form an la chhuak a, za zel a chhutin nikum chhung khan thla tin mi 23 te chuan hna dilna form hi an la chhuak a ni. Kumin March thla thleng khan mi 36, Mipa 20 leh hmeichhia 16 te chuan form hi an la chhuak tawh a bawk.
Champhai ah Employment Exchange Office dah a nih atangin registration form hi 6069 lak chhuah tawh niin mipa 3625 leh hmeichhia 2444 te chuan hna dil theihna registration form hi an la chhuak tawh a ni.
Employment Exchange Office Registration ti tur reng reng te chuan Under Matric atanga a sang ber thleng in Leaving Certificate original ken tur a ni a, tun hma deuh chuan Xerox Copy hi pawm a ni thin a, a lem hmang an awm tih hriatchhuah a nih avangin hun engemaw lai atang khan Original chauh pawm a ni tawh a, Champhai Employment Office a Registration lehkha nei lo chu hna pek an nih ngai loh bakah lehkha la tur chu Champhai mi leh sa ngei a ni tur a ni bawk a ni.
Employment Office kaltlang hian Tar pension, nau neih tanpuina, naupang matric pass lo te hnenah scholarship te pek thin a ni a, District dangin Champhai District in kan uar loh avangin an chang fo thin a, Employment ah sawrkar hnathawk lo te hamthatna chi hrang hrang a siam a, kum 60 hnuailam tan in register theih a ni a, uar deuh deuh a, Champhai mipui harsa zawk leh sawrkar hnathawk ve lo te ‘n registration hi ti uar deuh deuh tur in Employment chuan an sawm a ni.
ZIRLAITE HNATLANG NEI :
Niminpiah khan Govt Khawbung Middle School zirlai nu leh pa, Khawbung HSS zirtirtu leh zirlaite’n hnatlangin Gov’t Khawbung M/S an thiat.
Govt Khawbung Middle School hi kum 1954 a din niin mipui tling tak tak leh ram hruaitu engemaw zat lo chher chhuak tawh a ni a. A building hi a upat tawh avangin Champhai District SSA atangin a sakna tur cheng nuai 8 hmuh a ni a, SSA Mission-in hmalakna tur dang an neih avangin cheng nuai 4 chauh hmang tura an ruahman avangin zirlai nu leh pa leh khawtlangin school building tha leh mawihnai an sak ngei theih nan a theih chin chin chu hnatlanga thawh an tum a. Nimin khan school building hi sa tan mai thei turin hnatlangin an thiat a ni.
LIRTHEI 70 ZIAHLUT :
Champhai District Transport Office ah April thka chhung khan lirthei 70 ziah luh a ni.
April thla chhung khan District Transport Office ah 2 wheeler 28, Auto Rickshaw 1, Car 18, Bolero 5, Truck 17 leh JCB 1 te ziahluh niin Lirthei ziahluh hnuhnun ber hi MZ 04 A 1158 a ni.
April thla chhung vek khan District Transport Office ah lirthei mihring phur chi atangin cheng sing 3 sang 8 za 2 hmuh a ni a, bungraw phur atangin cheng nuaih 1 sing 8 sang 2 za 175 hmuh a ni a, Road Tax atangin cheng nuai 8 sing 5 sang 7 za 203 hmuh a ni a, MV Fees atangin cheng nuai 4 sing 4 sang 4 za 450 hmuh niin April thla chhung khan cheng nuai 25 sing 2 sang 2 28 hmuh a ni.
INTHLANPUI HMATHLIR NEI :
Nimin khan PRIMS District Hqrs Champhai huaihawtin Champhai district Potential tih thupuia hmangin One Hour with PRIMS 2018 Election hmathlir neih a ni.
He hun hi H.Vanlalruata Vice President PRIMS District Hqrs Champhai chuan kaihhruaiin Pu Vanlalruata PRIMS Party Gen Hqrs President chuan he hun hi a hmanpui bawk. Thusawiin Pu Vanlalruata chuan Inthlanpui lo awm turah Sawrkarna siam ngei turin PRIMS chuan chak takin hma a la mek a, Bial tinah Candidate siam turin a inbuatsaih mek a ni a ti a, Inthlanaah hian chak hrim hrim kan tum lo va, Thil dik lo avanga chak ai chuan chak loh kan thlang zawk a ni a ti bawk.
Kan ram hruaituten ngaihtuah ngai tam tak an hlamchhiah avangin kan ram hi a buai mek a ni a ti a. Mizoramah District 8 leh District-a puan tawh la function loh 3 a awm mek a, Civil Sub Division 23 awmze nei lo leh tangkaina nei loin kalpui mek a nih thu sawiin PRISM in sawrkarna a chang a nih chuan District-a puan tawh la function loh 3 te hi cancel vek a nih tur thu leh RD Block 26-te chu Civil Sub Division zat 23 a tih tlem a nih tur thu a sawi bawk.
Kan ramah eirukna hluar em em hei hi kan chhiatna bul ber a ni a. Eirukna hi kan sawrkar chuan kan nuai bo dawn avangin Eiruk la tum zelte tan chuan PRIMS hi vote chi kan ni lo a ti a. Mizoram mipui hian thil tha kan duh a nih PRISM hian sawrkarna kan siam ang a, kei ni pawhin thil tha kan ti ang a ti bawk. Hna thawh tur a awm loh avangin kan ram thalaite ruihhlo bawiah an tang mek a, Kei ni chuan pawisa kan sem ve dawn lova, hna thawh tur kan siam dawn a ni a ti a. Sawrkarna an chang a nih chuan Tar Pension tih pun te, Mipa leh Hmeichhia ten hlawh inzat an neih theih dan tur te, Private-a hnathawk hmeichhiate pawhin maternity leave an lak theihna tura hmalak te, VC ten thuneihna sang zawk an neih theihna tura VC Court 2nd Class Magistrate-a dah te an kalpui tur thu a sawi bawk.
Border Trade-a sum vir vel mipui tlemte-in an hausakpui chu mipui tam zawkin an chhawr theihna tura hma lak a ngaih thu te, Kan chhak lawka kan unaute hausakna kan pawh thlak a, an ram lei lung hausakna kan tel theihna tura Champhai chu Industry khawpuia siam a nih tur thu leh Tuivai-a Hydel Project Megawatt 210 pe chhuak thei tura ruahmana kal mel chu a bul atanga tan that leh vek a nih tur thu a sawi bawk.
He hunah hian PRIMS District Hqrs Champhai, President TBC Lalvenchhunga pawhin thusawiin PRIMS Party chu mipui finchhuahna tel lo chuan hma a sawn dawn loh thu sawiin thawhho puiah a sawm a, PRIMS party chuan Unit Sysmtem a neih ve dawn loh thu a sawi bawk. He hunah hian Zawhna leh chhanna hun hman a ni bawk.
Niminpiah khan District Transport Officer (DTO) Abraham Beirazi Khithie hovin Champhai – Zokhawthar Maxi Cab Service rate chungchanga harsatna awm mek sawihona hun DTO Office Champhai ah neih a ni. Meeting ah hian nguntluk taka sawrkar lama hotute, khawtlang aiawh leh maxi cab Joint Welfare hotuten sawihona an neih hnuah tuna rate hman lai Rs. 150 chu khawtlang mipui lam atanga sawiselna a tam avangin a hma a lo tlan dan rate Rs. 100 a tlan leh mai tura thutlukna siam ani a. He thutlukna hi Maxi Cab Services Association member te chu thuawih taka zawm hram tura ngen leh hriattir an ni.
Meeting ah hian MVI, Enforcement Inspector, Maxi Cab Joint Welfare Chairman, Vice Chairman, Member dangte leh Zokhawthar khawtlang aiawhin Consumer Union Chairman, MUP President, YMA, MHIP leh VC Secretary theu an tel a ni.
CHAMPHAI DISTRICT ATANGIN TOP 10 AH MI 1 LANG :
Nimin khan Mizoram Board of School Education chuan Matric result a tichhuak a, Champhai District atangin JK Malsawmzeli, PES Khawzal Vengthar chu top 10-ah a lang.
Kumin Matric exam-ah hian St. Paul’s Higher Secondary School zirlai Lalremsiama Darchhun chu pakhatna a ni a, mark 477 a hmu a ni. Champhai district-a zirna in atangin JK Maldawmzeli, Pu J Lalrotluanga fanu, PES Khawzawl Vengthar chu 9-na a ni a, mark 460 a hmu a ni.
Champhai District-a high school zingah candidate zaa za pass thei school 18 an awm a, hengte hi Bethel Mission school, B.C Lalthlamuana English Academy, King Solomon’s School, PES, Khawzawl Vengthar, Springdale Academy, PES, Khawzawl, PES, Zotlang, Chiahpui H/S, Dilkawn H/S, Govt. Bungzung H/S, Govt. Saichal H/S, Lurhtlang H/S, Khankawn, Pawlrang H/S, Riangtlei H/S, Riangtlei Thangkunga H/S, Tlangpui, Tlangsam H/S , Vapar Sec. School leh PES, NE Khawdungsei te an ni a. Pass nei lo school hi Govt Vanzau HS leh Vangtlang HS te an ni.
Bethel Mission School hian candidate 33 neiin distinction-ah 25 an pass a, first division ah 7 leh second division-ah mi 1 pass in 3rd division-a pass an nei lova, Champhai district-a zirna in zingah kumina matric result nei tha ber an ni, Champhai District-ah hian candidate hi 2063 an awm a, heng zinga mi 1606 an pass a, fail hi mi 467 awmin pass percentage hi za zela 77.85 a ni. Zirlai 88 chu distinction-ah an pass a, 1st division-ah mi 348, second division-ah mi 663, third division-ah mi 494 an pass ve bawk.
FORM LA CHHUAN MI 278 AWM :
Kum 2017 chhung khan Employment Exchange ah Registration form la chhuak mi 278 an awm.
Sawrkar Department hrang hrang ah hnaruak a awmin Employment Exchange Department ah registration form la in hna an dil thin a, kum kal ta kum 2017 chhung khan mipa 164 leh hmeichhia 114 te chuan Employment Exchange Office ah form an la chhuak a, za zel a chhutin nikum chhung khan thla tin mi 23 te chuan hna dilna form hi an la chhuak a ni. Kumin March thla thleng khan mi 36, Mipa 20 leh hmeichhia 16 te chuan form hi an la chhuak tawh a bawk.
Champhai ah Employment Exchange Office dah a nih atangin registration form hi 6069 lak chhuah tawh niin mipa 3625 leh hmeichhia 2444 te chuan hna dil theihna registration form hi an la chhuak tawh a ni.
Employment Exchange Office Registration ti tur reng reng te chuan Under Matric atanga a sang ber thleng in Leaving Certificate original ken tur a ni a, tun hma deuh chuan Xerox Copy hi pawm a ni thin a, a lem hmang an awm tih hriatchhuah a nih avangin hun engemaw lai atang khan Original chauh pawm a ni tawh a, Champhai Employment Office a Registration lehkha nei lo chu hna pek an nih ngai loh bakah lehkha la tur chu Champhai mi leh sa ngei a ni tur a ni bawk a ni.
Employment Office kaltlang hian Tar pension, nau neih tanpuina, naupang matric pass lo te hnenah scholarship te pek thin a ni a, District dangin Champhai District in kan uar loh avangin an chang fo thin a, Employment ah sawrkar hnathawk lo te hamthatna chi hrang hrang a siam a, kum 60 hnuailam tan in register theih a ni a, uar deuh deuh a, Champhai mipui harsa zawk leh sawrkar hnathawk ve lo te ‘n registration hi ti uar deuh deuh tur in Employment chuan an sawm a ni.
ZIRLAITE HNATLANG NEI :
Niminpiah khan Govt Khawbung Middle School zirlai nu leh pa, Khawbung HSS zirtirtu leh zirlaite’n hnatlangin Gov’t Khawbung M/S an thiat.
Govt Khawbung Middle School hi kum 1954 a din niin mipui tling tak tak leh ram hruaitu engemaw zat lo chher chhuak tawh a ni a. A building hi a upat tawh avangin Champhai District SSA atangin a sakna tur cheng nuai 8 hmuh a ni a, SSA Mission-in hmalakna tur dang an neih avangin cheng nuai 4 chauh hmang tura an ruahman avangin zirlai nu leh pa leh khawtlangin school building tha leh mawihnai an sak ngei theih nan a theih chin chin chu hnatlanga thawh an tum a. Nimin khan school building hi sa tan mai thei turin hnatlangin an thiat a ni.
LIRTHEI 70 ZIAHLUT :
Champhai District Transport Office ah April thka chhung khan lirthei 70 ziah luh a ni.
April thla chhung khan District Transport Office ah 2 wheeler 28, Auto Rickshaw 1, Car 18, Bolero 5, Truck 17 leh JCB 1 te ziahluh niin Lirthei ziahluh hnuhnun ber hi MZ 04 A 1158 a ni.
April thla chhung vek khan District Transport Office ah lirthei mihring phur chi atangin cheng sing 3 sang 8 za 2 hmuh a ni a, bungraw phur atangin cheng nuaih 1 sing 8 sang 2 za 175 hmuh a ni a, Road Tax atangin cheng nuai 8 sing 5 sang 7 za 203 hmuh a ni a, MV Fees atangin cheng nuai 4 sing 4 sang 4 za 450 hmuh niin April thla chhung khan cheng nuai 25 sing 2 sang 2 28 hmuh a ni.
INTHLANPUI HMATHLIR NEI :
Nimin khan PRIMS District Hqrs Champhai huaihawtin Champhai district Potential tih thupuia hmangin One Hour with PRIMS 2018 Election hmathlir neih a ni.
He hun hi H.Vanlalruata Vice President PRIMS District Hqrs Champhai chuan kaihhruaiin Pu Vanlalruata PRIMS Party Gen Hqrs President chuan he hun hi a hmanpui bawk. Thusawiin Pu Vanlalruata chuan Inthlanpui lo awm turah Sawrkarna siam ngei turin PRIMS chuan chak takin hma a la mek a, Bial tinah Candidate siam turin a inbuatsaih mek a ni a ti a, Inthlanaah hian chak hrim hrim kan tum lo va, Thil dik lo avanga chak ai chuan chak loh kan thlang zawk a ni a ti bawk.
Kan ram hruaituten ngaihtuah ngai tam tak an hlamchhiah avangin kan ram hi a buai mek a ni a ti a. Mizoramah District 8 leh District-a puan tawh la function loh 3 a awm mek a, Civil Sub Division 23 awmze nei lo leh tangkaina nei loin kalpui mek a nih thu sawiin PRISM in sawrkarna a chang a nih chuan District-a puan tawh la function loh 3 te hi cancel vek a nih tur thu leh RD Block 26-te chu Civil Sub Division zat 23 a tih tlem a nih tur thu a sawi bawk.
Kan ramah eirukna hluar em em hei hi kan chhiatna bul ber a ni a. Eirukna hi kan sawrkar chuan kan nuai bo dawn avangin Eiruk la tum zelte tan chuan PRIMS hi vote chi kan ni lo a ti a. Mizoram mipui hian thil tha kan duh a nih PRISM hian sawrkarna kan siam ang a, kei ni pawhin thil tha kan ti ang a ti bawk. Hna thawh tur a awm loh avangin kan ram thalaite ruihhlo bawiah an tang mek a, Kei ni chuan pawisa kan sem ve dawn lova, hna thawh tur kan siam dawn a ni a ti a. Sawrkarna an chang a nih chuan Tar Pension tih pun te, Mipa leh Hmeichhia ten hlawh inzat an neih theih dan tur te, Private-a hnathawk hmeichhiate pawhin maternity leave an lak theihna tura hmalak te, VC ten thuneihna sang zawk an neih theihna tura VC Court 2nd Class Magistrate-a dah te an kalpui tur thu a sawi bawk.
Border Trade-a sum vir vel mipui tlemte-in an hausakpui chu mipui tam zawkin an chhawr theihna tura hma lak a ngaih thu te, Kan chhak lawka kan unaute hausakna kan pawh thlak a, an ram lei lung hausakna kan tel theihna tura Champhai chu Industry khawpuia siam a nih tur thu leh Tuivai-a Hydel Project Megawatt 210 pe chhuak thei tura ruahmana kal mel chu a bul atanga tan that leh vek a nih tur thu a sawi bawk.
He hunah hian PRIMS District Hqrs Champhai, President TBC Lalvenchhunga pawhin thusawiin PRIMS Party chu mipui finchhuahna tel lo chuan hma a sawn dawn loh thu sawiin thawhho puiah a sawm a, PRIMS party chuan Unit Sysmtem a neih ve dawn loh thu a sawi bawk. He hunah hian Zawhna leh chhanna hun hman a ni bawk.
Comments are closed.