KHAWTLANG ENSAN LEH MOTOR TIHCHHIAT SAKAH VAU – CHAIRMAN CZMCW :
Champhai to Zokhawthar Maxi Cab Welfare te chu Zirtawpni atang khan Zonunsanga Huan hnai zawk bulah an duty tan.
Kum khat chhung vel chu Champhai to Zokhawthar hi Rs. 150 in an tlan hnuah Zokhawthar khuaa Consumer, YMA leh VC te chuan an Rate san hi an duh lova, rate hlui Rs. 100 a tlan leh turin Sumo neitute chu an ti a. Mahse Sumo neitute chuan Rs. 100 chuan an tan awmzia a awm loh avangin an tlan thei lova. Zokhawthar Sonsumer, VC leh YMA te chuan Zokhawthar khua luh phal lovin RIhdil kal tura Sumo Hire pawh kal tlang an phal lo va, an motor halsak leh vuakchhiat sakah hial vau in, Mualrawt ah Thawhtanni atang khan an Duty niin R. Kapthanga, Chairman Champhai to Zokhawthar Maxi Cab Welfare chuan a sawi.
Hetih lai hian khualzinte erawh chuan Sumo rate Rs. 150 chu awm an ti niin an sawi a. Zokhawthar Sumo Counter atanga km chanve pawh tlinglo Tiau Lei thlengin Taxi leh Bike hmangin Rs. 100 leh Rs. 50 a hran a Passenger te chu kal tir leh thin an ni a. Hetianga Passenger ten Lei thleng tura pawisa an chawi nawn leh hi pawi an tih thu sawiin Rs. 150 hian an kal duhna hmun Lei thlenga thlah an inhuam vek thu sawiin, he an rate Rs. 150 hi khualzinte chuan tha an tih thu leh na an tih loh thu an sawi niin an tarlang bawk. Thusawnna in a tarlan danin Zokhawthara Sumo neitute pawh Rs. 100 a tlan tura tih luih niin an tlan loh chuan khawtlangin ensan leh an motor tihchhiat sak hiala an vau thu an sawi a. Champhai to Zokhawthar Maxi Cab Welfare te hian tiam chin awm lovin Duty an tum a, Zokhawthar atanga Sumo rawn tlan reng reng chu an dang dawn a, Rs. 150 a an tlan theih hma chuan Duty hi an tum niin an sawi bawk.
TUIPUI LUI HUMHALH THA LAWMMAN HLAN :
Inrinni khan Biate leh Khawbung inkar Tuipui Lui kama Khawbung PHE Pump House ah Tuipui tlawhchhan joint YMA ten Tuipui luia Sangha humhalh tha Branch YMA te hnena lawmman hlanna inkhawm an buatsaih a. Pi Vanlalawmpuii Chawngthu, Minister of State for Fisheries, etc., chuan khuallian niin a telpui.
He lawmman semna leh hmalak dan report pekna inkhawmah hian Pi Vanlalawmpuii Chawngthu chuan, Tuipui lui ri tu Br. YMA intelkhawm khaw 13 ten tangruala Tuipui humhalh nachang an hria chu lawmawm a tih thu leh entawn tlak a tih thu a sawi a. Sawrkar anga hmalakna hrang hrang bakah YMA member a nihna atang pawhin ramngaw leh nungchate humhalh kawngah thahnem a ngaih thin thu sawiin, nasa zawka bei sauh sauh turin a ngen a ni. An hmalaknaah tanpui theihna a nei anih phawt chuan tanpui turin a inralring reng tih sawiin Minister hian, Sangha chi chhuah an duhna pawh tihpuitlin sak a tum thu a hrilh a ni. Kan ramah thing leh maute kan tihchereu nasat avangin kan lui tuite a kam chak tawh hle a, tuihna humhalhna kawnga chak zawka hmalak chu kan lui sanghate humhalhna atan a pawimawh thu te, ramngaw leh nungcha humhalh kawnga YMA ten nasa taka sawrkar an thawhpui thin vanga lawmawm a tih thute a sawi bawk. Thu a sawi zawh hian Minister hian Tuipui tlawhchhan Joint YMA member Branch, kum kaltaa Sangha fuan venghim kawnga thawk tha Branch te hnenah lawmman a hlan nghal a. Lawmman hi Leng Br. YMA leh Khuangleng Br. YMA in dawngin, Bungzung Br. YMA hnenah Special Prize a hlan bawk a, Tuipui lei hnuaia Sangha humhalh mek chu chaw pein he lai Sanghate tan hian Sangha chaw bag khat a pe nghe nghe a ni.
Tuipui tlawhchhan Joint YMA te hi Branch 13 intelkhawm niin, Tuipui luia nungchate venhim kawnga hnathawk ho an ni a. He luia Sangha fuan laiin lui sangha beih an khap a. Dan phal baka Sangha man chi hrim hrim kumtluana khapin Lenkhang No. 25 aia sina man an khap bawk a. Tuipui lei (Bridge) hnaih km chanve vela thui chu kumtluanin khauh takin an humhalh bawk a ni.
Inrinnia lui vengthate lawmman hlanna inkhawm hi an pawl Chairman Pu. R. Lalremkunga’n a kaihruai a ni.
Inrinni vek hian Pi Vanlalawmpuii Chawngthu hian Biate Water Supply Scheme – Pumping, 10% Lump- sum sum Rs. 1364. 67 lakh senga hnathawh mek a tlawhnghal bawk a. He tuilak hi Mizorama khawpui fai ber, Biate mipuiten mipakhatin nitin tui thianghlim litre 135 an dawn theihna tur ruahmanna niin First class contractor Pu. H. Sanga, Aizawl Chanmary in a thawk a. Hnathawktute a tlawhnaah hian Minister chuan hnate chu rang taka an zawh theih nana theihtawp chhuah turin a hrilh a. Harsatna an neia, tanpui theihna a nei a nih chuan an tan a inhawng reng tih a hrilh a ni.
Minister in Biate Water Supply Scheme Pumping a tlawh hi Pu V. Lalvuana, JE, PHE Lungdar Sub Division leh hnathawktuten an lo dawngsawng a. Tunah hian Tuipui atanga pump house, pump house atanga Biate tlang thlenga pipe fit zawh tawh niin Power Generator pawh a thleng tawha, a pump na khawl hi tunah la nghah mek a ni thung.
CASE 19 ZIAHLUT :
Champhai Police Station ah April thla chhung khan Case 19 ziahluh a ni. April thla chhung khan Champhai Police te chuan rukruk Case 8 an ziak lut a. ND&PS Act. hnuaiah Case 7 ziahlut niin POCSO Act hnuaiah Case 3 ziah luh a ni. Foreign Act hnuaiah Case 1 an ziaklut bawk.
EXCISE REPORT :
April thla chhung khan Excise & narcotics Dept. Champhai chuan MLPC Act hnuaiah Rakzu 65.2 Litres, Zu siamna hmanrua 4 te an man a, mihring 5 man niin MLPC Act hnuaiah hian Case 7 ziahluh a ni. ND&PS Act hnuaiah Heroin 126.6 grams leh Alprazolam 100 tabs man ani a, ND&PS Act hnuaiah mihring 9 man niin case 9 ziah luh ani bawk.
Champhai to Zokhawthar Maxi Cab Welfare te chu Zirtawpni atang khan Zonunsanga Huan hnai zawk bulah an duty tan.
Kum khat chhung vel chu Champhai to Zokhawthar hi Rs. 150 in an tlan hnuah Zokhawthar khuaa Consumer, YMA leh VC te chuan an Rate san hi an duh lova, rate hlui Rs. 100 a tlan leh turin Sumo neitute chu an ti a. Mahse Sumo neitute chuan Rs. 100 chuan an tan awmzia a awm loh avangin an tlan thei lova. Zokhawthar Sonsumer, VC leh YMA te chuan Zokhawthar khua luh phal lovin RIhdil kal tura Sumo Hire pawh kal tlang an phal lo va, an motor halsak leh vuakchhiat sakah hial vau in, Mualrawt ah Thawhtanni atang khan an Duty niin R. Kapthanga, Chairman Champhai to Zokhawthar Maxi Cab Welfare chuan a sawi.
Hetih lai hian khualzinte erawh chuan Sumo rate Rs. 150 chu awm an ti niin an sawi a. Zokhawthar Sumo Counter atanga km chanve pawh tlinglo Tiau Lei thlengin Taxi leh Bike hmangin Rs. 100 leh Rs. 50 a hran a Passenger te chu kal tir leh thin an ni a. Hetianga Passenger ten Lei thleng tura pawisa an chawi nawn leh hi pawi an tih thu sawiin Rs. 150 hian an kal duhna hmun Lei thlenga thlah an inhuam vek thu sawiin, he an rate Rs. 150 hi khualzinte chuan tha an tih thu leh na an tih loh thu an sawi niin an tarlang bawk. Thusawnna in a tarlan danin Zokhawthara Sumo neitute pawh Rs. 100 a tlan tura tih luih niin an tlan loh chuan khawtlangin ensan leh an motor tihchhiat sak hiala an vau thu an sawi a. Champhai to Zokhawthar Maxi Cab Welfare te hian tiam chin awm lovin Duty an tum a, Zokhawthar atanga Sumo rawn tlan reng reng chu an dang dawn a, Rs. 150 a an tlan theih hma chuan Duty hi an tum niin an sawi bawk.
TUIPUI LUI HUMHALH THA LAWMMAN HLAN :
Inrinni khan Biate leh Khawbung inkar Tuipui Lui kama Khawbung PHE Pump House ah Tuipui tlawhchhan joint YMA ten Tuipui luia Sangha humhalh tha Branch YMA te hnena lawmman hlanna inkhawm an buatsaih a. Pi Vanlalawmpuii Chawngthu, Minister of State for Fisheries, etc., chuan khuallian niin a telpui.
He lawmman semna leh hmalak dan report pekna inkhawmah hian Pi Vanlalawmpuii Chawngthu chuan, Tuipui lui ri tu Br. YMA intelkhawm khaw 13 ten tangruala Tuipui humhalh nachang an hria chu lawmawm a tih thu leh entawn tlak a tih thu a sawi a. Sawrkar anga hmalakna hrang hrang bakah YMA member a nihna atang pawhin ramngaw leh nungchate humhalh kawngah thahnem a ngaih thin thu sawiin, nasa zawka bei sauh sauh turin a ngen a ni. An hmalaknaah tanpui theihna a nei anih phawt chuan tanpui turin a inralring reng tih sawiin Minister hian, Sangha chi chhuah an duhna pawh tihpuitlin sak a tum thu a hrilh a ni. Kan ramah thing leh maute kan tihchereu nasat avangin kan lui tuite a kam chak tawh hle a, tuihna humhalhna kawnga chak zawka hmalak chu kan lui sanghate humhalhna atan a pawimawh thu te, ramngaw leh nungcha humhalh kawnga YMA ten nasa taka sawrkar an thawhpui thin vanga lawmawm a tih thute a sawi bawk. Thu a sawi zawh hian Minister hian Tuipui tlawhchhan Joint YMA member Branch, kum kaltaa Sangha fuan venghim kawnga thawk tha Branch te hnenah lawmman a hlan nghal a. Lawmman hi Leng Br. YMA leh Khuangleng Br. YMA in dawngin, Bungzung Br. YMA hnenah Special Prize a hlan bawk a, Tuipui lei hnuaia Sangha humhalh mek chu chaw pein he lai Sanghate tan hian Sangha chaw bag khat a pe nghe nghe a ni.
Tuipui tlawhchhan Joint YMA te hi Branch 13 intelkhawm niin, Tuipui luia nungchate venhim kawnga hnathawk ho an ni a. He luia Sangha fuan laiin lui sangha beih an khap a. Dan phal baka Sangha man chi hrim hrim kumtluana khapin Lenkhang No. 25 aia sina man an khap bawk a. Tuipui lei (Bridge) hnaih km chanve vela thui chu kumtluanin khauh takin an humhalh bawk a ni.
Inrinnia lui vengthate lawmman hlanna inkhawm hi an pawl Chairman Pu. R. Lalremkunga’n a kaihruai a ni.
Inrinni vek hian Pi Vanlalawmpuii Chawngthu hian Biate Water Supply Scheme – Pumping, 10% Lump- sum sum Rs. 1364. 67 lakh senga hnathawh mek a tlawhnghal bawk a. He tuilak hi Mizorama khawpui fai ber, Biate mipuiten mipakhatin nitin tui thianghlim litre 135 an dawn theihna tur ruahmanna niin First class contractor Pu. H. Sanga, Aizawl Chanmary in a thawk a. Hnathawktute a tlawhnaah hian Minister chuan hnate chu rang taka an zawh theih nana theihtawp chhuah turin a hrilh a. Harsatna an neia, tanpui theihna a nei a nih chuan an tan a inhawng reng tih a hrilh a ni.
Minister in Biate Water Supply Scheme Pumping a tlawh hi Pu V. Lalvuana, JE, PHE Lungdar Sub Division leh hnathawktuten an lo dawngsawng a. Tunah hian Tuipui atanga pump house, pump house atanga Biate tlang thlenga pipe fit zawh tawh niin Power Generator pawh a thleng tawha, a pump na khawl hi tunah la nghah mek a ni thung.
CASE 19 ZIAHLUT :
Champhai Police Station ah April thla chhung khan Case 19 ziahluh a ni. April thla chhung khan Champhai Police te chuan rukruk Case 8 an ziak lut a. ND&PS Act. hnuaiah Case 7 ziahlut niin POCSO Act hnuaiah Case 3 ziah luh a ni. Foreign Act hnuaiah Case 1 an ziaklut bawk.
EXCISE REPORT :
April thla chhung khan Excise & narcotics Dept. Champhai chuan MLPC Act hnuaiah Rakzu 65.2 Litres, Zu siamna hmanrua 4 te an man a, mihring 5 man niin MLPC Act hnuaiah hian Case 7 ziahluh a ni. ND&PS Act hnuaiah Heroin 126.6 grams leh Alprazolam 100 tabs man ani a, ND&PS Act hnuaiah mihring 9 man niin case 9 ziah luh ani bawk.
A bengvar thlak thin e…
150 hi chu a to ve bawk a ni.