CHAMPHAI TUI MAMAWH 10.5 IN PUNG

Get real time updates directly on you device, subscribe now.

Kum khat chhungin Greater Champhai Water Supply chawm mipui tui mamawhna chu za zela 10.5 in a pung.
PHE Department chhinchhiah danin kum 2021 khan kar tina Champhai khawpui leh a chheh vel, Greater Champhai Water Supply in a chawma tui mamawh zat chu litre 1,43,14,265 a ni a. Kum 2022 March thla khan hei hi 10.5% in a pung a, litre 1,59,08,290 chu kar tina mamawh zat a ni.
PHE Department hian pump house pahnih hmangin thal laiin Tuipui lui chu darkar khata litre Nuai 1.2 ang velin ni khatah darkar 12-21 chhung vel an pump thin a. Tunlai hian ni khatah darkar 21 vel an pump tlangpui niin an sawi a.
Tui pump hi an tihthianghlim hnuah zonal tank kaltlangin connection tinah a tahtawla sem chhuah a ni a. March thla khan tui connection 5638 an chawm a. Kar tin mi pakhat tan tui litre 46.02 an sem chhuak thin.
Tuipui lui hi fur laia a nut nasat avangin PHE chuan lui te zawk, Fal lui chu Champhai mipui mamawh chawmna atan an hmang thung a. Fur lai hian quota chanve-a sem thin a ni. PHED hotute chuan kumin thal laiin tui indaih lohna a la awm loh thu an sawi a, nikum thal kha a na hle a.
Heti chung hian Champhai mipui mamawh khawp tui chu an tuilakna atang hian an la nei thei niin an sawi.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More