YMA Sub-Hqrs Champhai hnuaia thuthmun Branch te chu Inrinni khan Champhai tui tlan hnar tifai a hnatlang neih a ni.
Champhai District Bawrhsap kaihhruainaa YMA Sub Hqrs Champhai leh Champhai Joint VC te thurel bawhzuiin Inrinni khan hnatlang neih a ni a. YMA hnatlang hi Champhai DC Maria CT Zuali chuan telpuiin Champhai tuitlan hnar bawlhhlawh awm te, thenfai ngai tawh lo tura bawlhhlawh paih kawnga fimkhur turin Champhai mipui a ngen a ni.
YMA Sub-Hqrs Champhai hnuaia thuthmun Branch hrang hrangte hi chan insemin Tuipui hnar hmun hrang hrangah bawlhhlawh an chhar fai a. Champhai khawpui chhunga bawlhhlawh a paihna hmun tur ni lova paih tuihawkin a len thlak a tam hle a. Bawlhhlawh hi Dumping Ground a recycle turin ruahman ni mah se, ruh sen a nih loh avangin tam tak halral a ni.
Inrinni hnatlangah hian YMA Branch 21 atangin member 500 chuang an thawk chhuak a; Champhai leilet zawla Tuipui hnar te, Keilungliah lui atanga Aizawl Road, Tuipui lui thlengin thenfai a ni a, tun hnai khan Champhai Joint VC te chuan Champhai tui tlan hnar hi an lo tifai tawh bawk.
Comments are closed.