Champhai Vengsang huam chhunga Indian Oil Corporation-in Petrol Pump tur an laihna chung chu Metre 100 vel a khik avangin Silpauline hmanga khuh a ni.
Nikang tuikhur bul-a Indian Oil Corporation-in Petrol Pump tur an laihna chung, Metre 100 vela sang leh Metre 130 chuanga thui chu leimin mai hlauhawmin a khi a. Helai hmun hi Addl DC Henry C. Lalrawnkima, SDO (S) Lalnunfela Chawngthu leh DM&R District Organiser VL Hruaimawia te chuan a hmuna kalin thil awm dan an enfiah a. Lei khi hi a hnuaia Petrol Pump laih vang nia hriat a ni. Lei tawlh zel tur venna atan hian District Disaster Management Authority chuan Silpauline 40 an pe a, Thawhtanni zing khan Vengsang Branch YMA chuan hnatlangin Silpaulin zarna tur samfai leh Silpaulin zarin an khuh hul a ni.
Lei tawlh hian Kawngpui a hnawh thin avangin Petrol pump neitute hi thian turin ti mah se, Addl DC/CEO DDMA chuan lei tawlh hi thenfai a nih chuan a chung lam tawlh belh thei a nih avangin paih fai rih lo turin a hriattir thung a. Lei tawlh huam chhungah hian In ding lai a awm lo a, DDMA Champhai chuan helai lei tawlh zirching tur hian Leilung chanchin zir mi mithiam te an ko dawn tih leh DPR siam turin PWD an ngen dawn tih an sawi a ni.
Comments are closed.