Champhai Vengthlang Zualko

𝗭𝗨𝗔𝗟𝗞𝗢 :
† † † †

Hming : T. Upa Lalhuapzaua
Kum : 54
Veng/Khua
Thihchhan : Motor Accident
Thih ni : 22.04.2021. Dar 11:45 a.m.
Vui hun : 22.04.2021. Dar 5:00 p.m.
A pa : T.C.Laldawngliana
A nu : Rokimi (fam)
A nupui : C. Lalremliani
A fate :
1) Lalbiaksiami
2) Lalramtharzuala
3) Lalrinhlui
4) Lalrinawma
5) Lalthlamuanpuii
A unaute :
1) Lalbiaknguri w/o Lalropuia (fam)
2) Lalthangzuala (fam)
3) Lalhminghlui w/o C. Lianzova
4) Lalramdinthari (fam)

A chanchin

Champhai Venglai Secondary School (RMSA) Headmaster Pu TC.Lalhuapzauva, kum 54, Pu TC.Laldawngliana fapa chu a ma khalh, a ma Car chesualah a boral a, vawiin tlai dar 5:00 p.m.ah vui a ni ang.

Thu dawnnain a sawi danin TC.Lalhuapzauva hi a Nupui leh a fate 2, Rulchawm khuaa A nupui Nu damlo tlawha zin te lam turin tukin (22.4.2021) zing lam dar 4:45 vel khan Champhai to Aizawl Road ah, Keifang bul Rullam panin amahin a inkhalh chhuak a.

A chetsual hun leh a chetsual chhan chiah hi hriat a ni lova. Champhai aṭanga KM 7 a hla, Chhungte khaw pelh, kawng chhak lama Agriculture Link Road sial tharna bul, Meithui kham an tih ah a chesual a, a kal chhuah hun aṭanga chhutin zing lam dar 5:30 bawr vela chesual a nih an ring.

Tukṭhuan ei khama Chhungte khua aṭanga feh tura kal chhuak ten Car chesual hi an zuk hmu a, khuaah kir lehin mipa ho an pun a. Mi tlawmngai te an VCP hova kal thla te chuan zinglam dar 10:45 velah chetsualna hmun hi an thleng thla hman vel a ni.

Pu TC.Lalhuapzauva zin chhuak hi a chhungten biakpawh tumin mobile phone in an call a, Phone lo ri chu Chhungte aṭanga tlawmngai kalte hian chhangin chetsualna thu hi an inhrilh tawn thei ta niin thu dawnna chuan a sawi.

Car chetsualna hi a kham a thukin a rem lo hle a. Kawng thlang feet 100 vela lum thla Car chhunga Pu TC. Lalhuapzauva ruang chu la chhuakin chhun dar 12:00 velah kawngpuiah lak chhuah a niin Champhai Vengthlang, IB Venga an chenna In thlenpui a nih hnuah chawhnu dar 1:00 pelh ah khan Champhai District Hospital ah a ruang hi Postmortem tura lak a ni.

Pu TC Lalhuapzauva hi a lawina Champhai Vengthlang presbyterian kohhran ah Tual Upa (Kohhran komiti) ni lai a ni a. Champhai Vengthlang Branch YMA ah pawh hun rei tak hruaitu hna lo chelh thin a ni. Pu Huapzaua hian a nupui, fapa 2 leh fanu 3 a kalsan a ni.