Champhai Winery tichangtlung zel

Get real time updates directly on you device, subscribe now.

Champhai Grape Growers’ Society chuan nimin chawhnu khan MNF Champhai Block hruaitu tharte lawmpuina an buatsaih.
He hun hi Winery Cottage, Tlangsam-ah hman niin, Society Chairman HS Vanlalfakzuala’n a kaihruai a; C.Zohmingliana, Secretary
chuan report tlangpui a pe bawk. Society Chairman chuan thu sawiin, an Society chu harsa tak leh Loan
hmanga din a nih thu leh, a din tirhah Sorkar-in theihtawp a chhuahpui avanga puitlin thei an ni tih a sawi a. Tunah pawh Ruling Party hruaitute chuan an dinhmun hriatthiampui a, an mamawh leh harsatna awm thei-ah te theihtawp chhuahpui tura an beisei thu a sawi bawk. Hruaitu tharte lawmna hunah hian Society
hruaitute bakah, MNF Champhai North leh South Block hruaitute an tel a ni.
Champhai Grape Growers’ Society hian kumin chhungin Grape Qtl.
1,140.21 an member-te hnen atangin an lei tawh a; Grape sawrna Khawl building awmna leh a bul velte chu
ti changtlung zelin, tunah hian Building dang an sak belh mek a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More