Champhaiah SBI Branch pahnihna tur hawng

Get real time updates directly on you device, subscribe now.

Nimin chawhnu khan Law & Judicial Minister TJ Lalnuntluanga chuan Mizoram-a SBI Branch 45-na ni turin SBI Bethel Branch, Champhai a hawng.
Khual lian TJ Lalnuntluanga chuan, Champhai district tan banking system changtlung mamawhna a san thu leh, Bank hotute pawh tun aia nasa lehzuala tan an lak a tul tih a sawi a.
Sawrkar laipui leh State-ten Scheme hrang hrang hnuaia tanpuinate Bank kaltlanga an pek zel tawh avangin mipui banphak Banking facilities chhawp chhuah a tul tih sawiin, Bank thawktute chu chinchang hre lo zawkteโ€™n tlangnel taka Bank an dawr theih nan dawhthei taka dawngsawng
thin turin a chah bawk.
Khual zahawm Maria CT Zuali, District Bawrhsap chuan thu sawiin, mi tinte tan Bank account hawng tura hmalak a nih thu a sawi a. Bank-a sum dahluh leh lakchhuah inthlau lutuk chu a vei thu leh Bank kal tlanga hamthatna hrang hrangte chu line department leh Bank teโ€™n mipui-ah zau zawka an hrihfiah a ngai tih a sawi a. Bank hman dan inzirtirna pawh tun aia ngawrh lehzuala kalpui a tul thu a sawi bawk.
LP Lalchangkima, Regional Manager chuan, branch thar hawn a nih theihna tura district hotute leh khawtlang hruaitu, tha thawhtu zawng zawngte chungah lawmthu a sawi a. Champhai Bethel Branch SBI thar hi C.Rohmingliana Building, Bethel
Veng a mi luah hawh niin, Square
feet 2,284 a zau a ni a. A hmunhma cheibawl leh hmanruate bunfel nan Cheng Nuai 50.09 sen a ni a, thawktu mi 3 an awm rih dawn a ni.

SBI Branch thar Bethel

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More