2019 – 2020 chhungin SEDP hnuaiah Champhai District Agriculture Department chuan Chana tharchhuah tamah lawmman pahnihna an dawng.
Agriculture chawisanna atana ruahman SEDP hnuaia Chana tharchhuak hnem intihsiakna buatsaihah Champhai District Agriculture Department chuan Mizoram pumah pahnihna dinhmun an hauh a, a mimal ang chuan Champhai Zotlang a loneitu mi 2 – Pu H. Lalhmingliana leh Pu C. Lalchhuanawma te chuan lawmman pakhatna leh pahnihna an dawng a, pawisafai leh thuziak te pek an ni. Champhai District chhunga SEDP hnuai veka Vaimim tharchhuak tam intihsiaknaah Pi Nutlani, Pi Khawlmawii leh Pu Lallawma, Bungzung khuate chuan lawmman pakhatna atanga pathumna an dawng bawk.
Lawmman dawngtute hi thla hmasa a puanchhuah ni tawh mahse hrileng avangin an lawmman dawn te chu kar hmasa khan Champhai District Agriculture Department Office-ah hlan an ni.
Hetihlai hian Agriculture Department chuan a mamawh te tan Leichi bag 1-ah cheng 300/- zela lei tur an neih thu DAO Pu B. Lalhmuchhuaka hnen atanga thudawn a ni.
Comments are closed.