MITTHI RAL LEH DAMLO KAN
Niminpiah khan Dr. Z.R. Thiamsanga MLA, H&FW Board Vice-Chairman chuan a bial chhung Aiduzawl tlawhin.Dt 22.11.2021 a vanduaithlak tak a Motor Accident avanga nunna chan ta mi 6 te Rs. 50,000 (Sîng nga) theuhin a ral. Hei mai bakah hian Bialtu MLA chuan hliam tuarte Damdawiin an awmna ah a tlawh chhuak veka, Rs.4000/-in a kan vek tawh bawk a ni.
MIPUI HIMNA ATAN KHAPNA THUPEK CHHUAH
Tunlaia vawk natna hri hlauhawm tak African Swine Fever (ASF) leng mekin ziaawm lam a la pan theih loh avang leh he hri laka Champhai District a him theihna turin Pi Maria CT Zuali Champhai District Bawrhsap chuan ramdang leh State dang atanga Vawk, Vawksa leh Vawksa atanga siam lak luh khapna kalpui chhunzawm zel turin thuchhuah a siam. Champhai District chhunga Myanmar atang leh state atanga vawk, vawksa leh vawksa atanga siam reng reng lakluh phal a ni lo. Vawk thi 6ft athuk a phum zel tur a ni. Vawk thi rinhlelhawm a awmin Doctor, VFA, CAHW te hnenah report zel tur ani. Vawk damlo hralh emaw talh khap tlat a ni. He thu pek zawm lo te chu IPC, Sec 188 hmanga hrem an ni ang a, he thupek hian chhuah a nih atanga thla hnih chhung a huam ang.
DAN BAWHCHHIA MANTE
Nimin khan Champhai Traffic Special Drive neih chhun zawm a ni a, 4 wheeler- 4 nos, 2 wheeler-9 nos, Motor lian – 5nos lirthei 18 dan bawhchhia an man a, dan bawhchhiat te hi Insurance Invalid leh driving Without license te an ni tlangpui a, pawisa chawi tlingkhawm chu Rs. 15,400/- a ni.
Comments are closed.