CHANEM-AH CCTV BUN TURIN REL

Get real time updates directly on you device, subscribe now.

Nimin chawhnu khan Champhai New Market (CHANEM) enkawl chungchanga mawhphurtu, CHANEM Management Authority chu an Chairman James Lalrinchhana, District Bawrhsap hovin I&PR Conference Hall, CHANEM-ah an thukhawm.
Bawrhsap James Lalrinchhana chuan Champhai khawpui hmel lanna langsar tak, CHANEM Building chu Champhai tana hmunhma tangkai leh pawimawh tak a nih thu sawiin, neitu nihna thinlung pu chunga uluk taka enkawl a ngai a ni, a ti a.
Hmasawnna rahbi thar chuangkai turin a tahtawla inzirtirna nena tangkawp chunga hmalak a tul thin thu sawiin, member-te chu CHANEM tihhmasawn leh enkawl zelna turah ngaihtuahna senga finchhuah thin turin a sawm a ni.
CHANEM Management Authority Member Secretary, R.Lalnunkimi, DUDO Champhai hnen atangin CHANEM enkawl dan leh kalphungte bakah, a dinhmun tlangpui ngaihthlak a ni a. He hunah hian Indus Tower Limited atanga CHANEM Building chunga mobile network tihchak nana High Power Small Cell (HPSC) internet tower bun tura dilna lut chu ngaihtuah a ni a.
Rukruk leh dan lova thiltih ven nan CHANEM Building-ah CCTV tha tawk tak, hmun eng emaw zatah bun ni se, tiin an rel a. Thukhawm chuan CHANEM Complex chu hman khat daih polythene/plastic, Single Use Plastic awm lohna, Single Use Plastic Free Complex-a puan tha a ti a. CHANEM huam chhunga lirthei dah thin khuahkhirh dan turte rel a ni bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More