CHENG NUAI 12 HU RUIHHLO MAN

Get real time updates directly on you device, subscribe now.

Excise & Narcotics Department leh 8th Bn. Assam Rifles te thawkdun chuan nimin khan heroin Rs. Nuai 12 hu an man.
Thu dawn danin nimin chawhma dar 10:30 vel khan Bulfek kaia mi pakhat, motor pakhat hnuaia a kun chu 8th Bn. Assam Rifles te chuan ral atanga hmu in, Excise & Narcotics Department te nen tangkawpin a hmunah an kalchilh a. Tata Yodha Champhai District-a register lirthei khalhtu Lalrema (kum 48) s/o Seldinga, Zotlang ni-a insawi chuan heroin ni ngeia rin, motor fuel tank siam danglam chhunga a thukru lai an man a. Heroin neitua puh, Lalrema hnen atang hian heroin ni ngeia rin hawng 40, gram 492 man a ni a. Ruihhlo hi tualchhung hralhnaa chhutin Cheng Nuai 12 hu niin, lirthei pawh hi hren nghal a ni a; ruihhlo a neitua puh hi ND&PS Act tlawhchhanin thubuai siamsak a ni.
Nimin chawhma lam khan Excise & Narcotics Department chuan Rangvamual Mel 3-ah heroin gram 11 leh a neitua puh Mika Vanlalmalsawmpuia leh Lalchhanhima, Rangvamual Mel-3 a khawsa ve ve nia insawi an man bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More