Nizan hmasa zanlai khan Champhai zawla Kudam a kang a, Champhai Police Station-ah thubuai ziah luh a ni.
Nizan hmasa zanlai Dar 12:00 bawr vel khan Champhai zawl, New Champhai huam chhung, Lalpa Grape Huan bula Kudam chu chhan hriat lohvin a kang a. Fire Dept lama thawkte nen theihtawpin thelh mih tuma hmalak ni mah se, Kudam chhunga Kuhva ro te chu a mut nasa tawh a, hei vang hian thelh mih hleihtheih a ni lo va. Kudam neitute chhinchhiah dana Kudam chhunga Kuhva ro dah Bag 7135 vel awm chu a kang chhe deuh vek a, hei bakah hian Kudam chhunga dah Ashok Leyland Tipper chu a kan chhiat bakah Kudam pawna awm Motor lian pakhat pawh a kang chhe nual a, a kan tak tak hmain dah sawn hman a ni.
Kuhva ro kang chhe ta hlut zawng hi tualchhunga hralhnaa chhutin Cheng Nuai 1,500 chuang hu vel niin ngaih a ni a, Lirthei kang chhia hi Cheng Nuai 21 man vel niin thu dawn a ni bawk. Kudam neitu K.Lalchhandama, Champhai Kahrawt veng chuan Kudam kan vang hian Champhai Police Station-ah nimin khan thubuai a theh lut niin thu dawn a ni bawk.
Comments are closed.