CHETSUALNA HMUN HNIHAH THLENG

Get real time updates directly on you device, subscribe now.

Pu Khaikhenthanga, kum 56 mi Champhai Jail Veng chu Kawr-ah tlain a hliam tur lovin a boral.
Thu dawn danin Pu Khaikhenthanga te chhung hi Champhai Vengsanga Quary pakhatah Rora chhu-in hna an thawk a. Nimin chhun Dar 12:00 vel khan an rora chhut tur lung a la khawm chu chesual palhin a hnuai kawrah a tla a. A tlakna hi Feet 20 vela sang niin, Lungah a insawh nia rin a ni a, a hna thawhpui te’n la chhuakin Champhai Hospital panpui nghal a ni a, a hliam tuar lo hian nimin chhawhnu dar 1:00 khan a boral ta a ni. A ruang hi nizan khan tlaivarpui niin, vawiinah vuiliam a ni ang.

Tunkar Nilaini tlai khan Buang khaw ramah ram vak Silaiin an inkap palh.
Buang atanga thudawn danin Nilaini tlai dar 4:00 vel khan Buang khaw ram chhung, Sateek-a ram vak te chu Silaiin an inkap palh a. Lalpiangthara, Buang khua chuan nunna a chan a, Silaia kaptu hian sa a channa hmunah Sakhi kohna Dawng a ham a, a sa channa lama lokal Lalpiangthara chu Sakhi emaw tiin a kap palh ta niin thudawnna chuan a sawi a.
Lalpiangthara hi Musep hmangin a awm bawr leh a nakah a kap a, a hliam tuar lo hian a hmunah a boral nghal a ni. Lalpiangthara ruang hi nizan hmasa khan lumen niin nimin khan vuiliam a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More