CDFA buatsaih Independence Day Football Tournament chu nimin khan Chhangphut Field-ah khelh
chhunzawm leh a ni.
Bethel FC 1-1 Vengthlang FC :
Nimin inkhel hmasa zawkah Bethel FC leh Vengthlang FC inkhelin goal 1 ve ve thunin an inhnehtawk a. Inkhelh tan atangin team pahnih te midfield-ah an inbei tawk hle a, Vengthlangin hrem tawk Biakrema
an chhawr thei lo chu hmuh theih khawpin an game-ah a lang. Bethel FC in goal khung hmasa zawkin
C.Hriata hmangin hmahruaina goal an khung a. Min 42-ah Ramengmawia hmangin Vengthlangin an
sihphurh an sut a; 2nd Half -ah goal dang a luh belh lo a. Team pahnih te hi goal hmaah an hriam tawk lo ve ve a, Bethel FC tan mimal takin Atletico Madrid chhulchhuak C.Hriata langsar mah se, a pawimawh ber goal an thun belh thei lo a. Point 1 ve ve hlawh chhuakin an inthathen ta a ni.
Kanan FC 3-0 Venglai FC :
Inkhel hnuhnung zawkah Kanan FC leh Venglai FC inkhelin goal 1 thun mah se, Venglai FC in inkhel enkawltu thutlukna siama an lungawi loh avangin khelmual an chhuahsan. Kanan FC hian goal khung hmasa-in Minute 3-na lekah Lalrammawia’n hmahruaina goal a khung a; Venglai FC tan Minute 22-naah Laithantluanga’n an siphurh a sut a, Team pahnih te’n goal an khung belh thei lo.
Hun tawp dawn lamah Kanan FC player Zoramthara’n Venglai player kut a thlak a, Venglai FC lamin hnawhchhuah tur ni ngeia an ngaih laiin Yellow Card hmanga hrem a ni a. Kanan FC hian Penalty an hlawhchhuak a, inkhel enkawltu thutluknaah Venglai FC te an lungawi loh avangin khelmual an chhuahsan zui a. Venglai FC te an khelh chhunzawm tak loh avang hian Kanan FC te hi si thum faia
chak zawka puan an ni.
Comments are closed.