𝗖𝗵𝗵𝘂𝗮𝗻𝗰𝗵𝗵𝗮𝗺 𝘁𝗲 𝗵𝗻𝗲𝗻𝗮𝗵 𝘁𝗮𝗻𝗽𝘂𝗶𝗻𝗮 𝘀𝗲𝗺

Hripui leng thawh hnihna avanga tlawh pawh phal loh (Containment Zone)-a puan mek Zokhawthar VLTF ten nimin khan tanpuina an sem.
Nimin khan Zokhawthar khaw chhunga chhungkaw harsa leh chhuanchhamte tan
VLTF kaihhruaiin YMA Section hrang hranga hruaitute chuan an huam chhungah theuh tanpuina hi an sem a.
Heng tanpuina an semte hi Champhai South Bialtu MLA TJ Lalnuntluanga, Law & Judicial Minister-in buhfai a pek leh Pi Hnem-i, Champhai Bethel Vengte’n Zokhawthar VLTF te hnena an hlan a ni a. Nimin khan Buhfai Ip 40, Dal Ip 8, Alu Ip 9, Bekangsa Ip 11 leh Tel fun 11 sem a ni.
Tarlan tawh angin ni 2 chhungin Zokhawtharah hian hri kai mi 35 hmuhchhuah a nih avangin May 5 khan
tlawhpawh phal loha puan tan a ni a. Ni 14 chung tlawhpawh phal loh hian puan ni tawhin, Section hrang hrang hruaitu te’n an
huam chhunga chhuanchham te zawng chhuakin, Zokhawtharah hian Tlawhpawh phal loh-a puan an nih chhungin chhungkaw 118 zet chhuanchham an awm hman niin thu
dawn a ni a; Sample enfiah hmabak chhungkaw 86 te khung hran mek an ni bawk.
Zokhawtharah hian hri kai mi 54 hmuhchhuah tawh an ni a, mi 19 enkawl dam
an ni tawh a. Zokhawthar 4C-ah hri kai mi 5 enkawl mek niin, Covid Care Centre Champhaiah mi 30 enkawl mek an ni bawk.