CHHUNGKAW 229 TE TANPUI DAWN

0

Get real time updates directly on you device, subscribe now.

Tun hnaia ruahtui tlak tam avanga Champhai District chhunga Leilet chhia chhawmdawlna turin Rs. 15,57,200 pekchhuah a ni dawn.
DM&R atanga thu dawn danin, tun hnaia ruahtui tlak tam vanga leilet chhia inreport mi 229 te chu SDRF atangin chhawmdawlna pek a ni dawn a, Leilet chhia neitu chhungkaw pakhat zelah Rs. 6800 pek an ni dawn
a ni. Hetihlai hian, SDRF atanga chhawmdawlna mi 229 te pek tura ruahman a nih hnu hian leilet chhia in report belh mi 38 Inrinni thleng khan an awm belh leh a. Heng mi 38 te hi Champhai District Bawrhsap hovin chhawmdawlna pek an nih dan tur chungchang sawiho leh phawt a ni dawn a, mi 229 te erawhchu chhawmdawlna hi pek tlang an ni thung ang.
Ruah surin leilet a tihchhiat te hi Tlangsam, New Champhai leh Ruantlangah chhungkaw 18 theuh, Bungzung leh Hnahlan ah chhungkaw 14 ve ve, Zotlang leh Ngurah chhungkaw 3 ve ve, Bulfekzawl ah chhungkaw 11, Vaphai leh Zote ah chhungkaw 10 ve ve, Vangchhia ah chhungkaw 9, Hruaikawn ah chhungkaw 8, Dilkawn ah chhungkaw 7, Leisezo leh Khawbung ah chhungkaw 6 ve ve, Melbuk leh Vengsang ah chhungkaw 5 ve ve, Kahrawt leh Dinthar ah chhungkaw 3 ve ve, N.Hruaikawn ah chhungkaw 2, Hmunhmeltha, Zawlsei, Lianpui, Mualkawi leh Samthangah chhungkaw 1 theuh te an ni.

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More