MPCC Campaign Committee ruahman angin ni 14.12.21 (Thawhlehni) nimin khan Champhai South Block Congress Committee te nen Block cum party Meeting Champhai Zotlang Dama Dama Hall-ah an hmang a, He hun hi Block President Pu C.Rosangzuala’n a kaihruai a. Champhai South Block tlawhtu Pu John Rotluangliana Ex-Minister chuan thu sawiin Congress Party chu lungrual taka an insiam that leh mek thu leh Party President kal chhuak tur Dr Lalthanhawla Leadership na hnuaia Congress party lo vanneih tawh thin dan te Remna leh Muanna atana Pathian bel ruat anih dan te MLA pawh vawi 9 lai lo tling thei anih dan te leh hruaitu ropui a nihna leh ngaihsanawmna chi hrang hrang leh a inpekna ropuizia te sawiin Congress Party intuaithar mek ah Pu Lalsawta kaihhruaina in Congress Party ah mipuiten HUAPZO sawrkar siam an chak hle thu leh MNF sawrkar chu sum lam a a pachhiatzia leh Congress sum khawlsa awmze nei lova tlakral tu an nih avangin mipui an beidawng a ni a ti. Pu Johna chuan ZPM chu Party zung nghet neilo an nih avangin Ar bawm alh hluai ang bak an ni lova, party inkaihhruai dan mu leh mal an neih loh avangin mipuiten belh tlakah an ngai lo ani ati bawk. Congress Party in ‘ kan ti ang’ tih chu ti ngei ngei thin party nge nge chu mipuiten an la bel leh zel dawn ani ati bawk. Champhai South bial chhung sumdawnna leh ram leilung chungchangah Congress party sawrkar tharah chuan awmze neia enkawl an nih tur thu te leh MNF party te chu huapzo party an ni lova, Kum 2023 ah Mizoram hmasawnna siam rem turin ram neitu Congress party ngei an let leh dawn ani ati bawk. Hlim tak leh phur takin hun an hmang a ni.
Comments are closed.