Niminpiaha Mizoram chhunga Covid 19 kai hmuh chhuah mi 2-te chu Champhai District mi leh sa ve ve an ni.
Niminpiah khan Mizoram chhungah Sample 660 endik leh niin, hri kai mi 2 hmuh chhuah an ni a; Champhai District mi leh sa ve ve an ni. Hri kai hmuh chhuah pakhat zawk hi Kum 50 mi, Champhai Vengthlang-a cheng, inentir tura Aizawl-a chhuk, Private damdawi in pakhata Rapid Antigen Test hmanga hri a kai tih hmuh chhuah a ni a. Pakhat hi Manipur atanga lo haw, Champhai Tlangsam-a mi, kum 46-a upa, Tuivai Screening point-a hmuh chhuah a ni a, an pahnih hian taksaa natna lang chhuak lo ve ve an ni.
Hri kai hmuh chhuahte hi Champhai district ni mah se, ICMR Guidlines angin hri an kai tih hmuh chhuahna District case anga chhinchhiah an ni a. Champhai, Tlangsam-a mi hi Champhai Covid Care Centre-a enkawl a ni a, a zinpuite pawh Home Quarantine nghal niin, karleh Thawhlehni-ah sample laksak an ni ve leh ang.
Hetih lai hian, Champhai District chu Covid 19 case NIL rih mah se, Saitual
District-a hmuh chhuah mi 2 Covid Care Centre-ah enkawl mek an ni thung a.
Mizoram-a hri kai hmuh chhuah zawng zawng hi mi 4,434 an awm tawh a ni.
Comments are closed.