Nimin khan Champhaiah Covid 19 hri kai mi 1 hmuh belh leh niin, Champhai District chhungah Covid 19 hri kai enkawl lai 7 an awm mek.
Thu dawnna sawi danin nimina hri kai hmuhchhuah hi India khua leh tui ni lo, Myanmar mi leh sa, March ni 25-a Champhai rawn lut, Champhai Venglaia awm mek, nimina Rapid Antigen Test hmanga hmuhchhuah a ni a. A chenna chhungkuate hi nimin vek khan an sample test nghal niin an result a negative vek thung a, Home Quarantine nghal niin karleh Zirtawpniah an sample hi endik nawn sak leh an ni ang.
Thu dawn danin tun hnaia Champhai District chhunga Sample endik tam ber hi Myanmar atanga rawn lutte niin sample 400 chuang endik tawh a ni a. Thu dawnna sawi danin tun hnaia Myanmar atanga rawn lut, Champhai District chhunga awm mek zinga Sample la endik loh hi mi 800 chuang an awm rin a ni.
Comments are closed.