COVID-19 VANGA THI MI 12 TLING TAWH

Champhai District chhungah hri kai mi 58 hmuhchhuah belh leh a ni a.
Nimin khan Rapid Antigen Test hmangin hri kai Vengthlang-ah mi 9; Hnahlan-ah mi 7; Chhungte-ah mi 5; Zion Veng leh Sesih-ah mi 4 ve ve; Zotlang leh Electric Vengah mi 3 ve ve; Kahrawt, Kanan, Dungtlang leh Venglai-ah mi 2 theuh; Tlangsam, Vapar, New Champhai, Dinthar, Vaphai, Farkawn, Vengsang leh North Khawbung-ah te mi 1 theuh hmuhchhuah a ni a.
Nizan hmasa khan TrueNat hmangin hri kai mi 12 hmuhchhuah belh leh a ni bawk a, Zotlang-ah mi 4; Kahrawt leh New Champhai-ah mi 3 ve ve leh Venglai-ah mi 2 te hmuhchhuah an ni.
Heti hian Champhai District chhungah hri kai mi 4727 hmuhchhuah tawh ani a, mi 4102 te enkawl dam tawh niin hri kai enkawl lai mi 618 an la awm mek a, hri avanga thi mi 7 an awm tawh a, hmundanga thi mi 5 nen Champhai District mi leh sa Covid-19 avanga thi chu mi 12 an tling tawh a ni.