Champhai District chhungah hri kai mi 17 hmuhchhuah belh leh a ni a. Inrinni khan Rapid Antigen Test hmangin hri kai Vengsang-ah mi 9; Kahrawt leh Vengthlang-ah mi 2 ve ve; Tuipui, Kanan, Venglai leh Zote-ah mi 1 theuh hmuhchhuah a ni.
Zirtawpni zan khan TrueNat hmangin hri kai mi 7 hmuhchhuah ni bawkin Venglai-ah mi 4 leh Kahrawt-ah mi 3 te hmuhchhuah an ni.
Heti hian Champhai District chhunga hri kai hmuhchhuah chu mi 4860 an tling tawh a, chanchin buatsaih lai thlengin mi 4345 te enkawl dam tawh niin hri kai enkawl lai mi 508 anla awm mek a ni.
Inrinni zing dar 1:45 khan Pu C. Thangzama (65), Champhai Bethel Veng chu DCHC Champhai-ah Covid-19 avangin a thi a. Pu C. Thangzama hi October ni 22 (Zirtawpni) khan hri a kai tih hmuhchhuah niin DCHC-ah dahluh nghal a ni a, a nunna chhan tuma theihtawp chhuah anih laiin a boral ta a ni. Pu C. Thangzama hi DCHC Champhai a Covid-19 avanga thi pahnihna a ni a. Heti hian Champhai District case hri avanga thi chu mi 8 an tling tawh a, hmun danga thi mi 5 te nen Champhai District mi leh sa Covid-19 avanga thi chu mi 13 an tling tawh a ni.
Comments are closed.