COVID-19 VANGIN NUNNA CHAN 11 AWM TAWH

Get real time updates directly on you device, subscribe now.

Champhai District chhungah Covid 19 hri kai mi 44 hmuh chhuah belh leh a ni.
Nimin khan Rapid Antigen Test hmangin Vengthlangah hri kai mi 9 hmuh chhuah a ni a. Kanan Veng leh Sesih-ah mi 5 ve ve, New Champhai leh Vengsangah mi 4 ve ve; Venglaiah 3, Hmunhmeltha, Kahrawt, Electric Veng, Bungzung leh Vengtharah te 2 theuh hmuh chhuah a ni a. Bethel, Tlangsam, Vanzau leh Zotlangah te pakhat theuh hmuh chhuah a ni bawk.
Heti hian Champhai District-a hri kai hmuh chhuah chu 4,599 an tling tawha, 3895 enkawl dam tawh in, enkawl dam zat hi hri kai hmuh chhuah atanga chhutinzazela 84.69 ani a; enkawl lai hi 699 an la awm.
Pu Lalramzauva, Vanzau khua chu nimin khan Covid 19 vangin a thi. Pu Lalramzauva, kum 40, Vanzau khua hi October ni 12 khan hri a kai tih hmuh chhuah niin enkawlna tha zawk dawng turin ZMC-ah phurh thlak a nî a, a nunna chhan tuma theihtawp chhuah a nih lajin nimin dar 4:30 khan a boral a. Pu Lalramzauva hi Champhai District chhunga Covid 19 vanga nunna chan 6-na ani a.
Champhai District mi leh sa hmun danga thi mi 5, Champhai District case-a chhiar si loh an awm tawh bawk a, heti hian Champhai District mi leh sa Covid 19 vanga nunna chan hi 11 an tling tawh a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More