Champhai District chhungah hri kai mi 23 hmuh chhuah belh niin, hri avanga nunna chan pakhat a awm belh leh bawk.
Nimin zing dar 7:30 khan Pi Kapnguri kum 64 mi, Champhai Ruantlang khua chu Covid 19
avangin DCHC Champhaiah a thi a. Pi Kapnguri hi November ni 8 khan hri a kai tih hmuh chhuah a ni niin natna dang nei sa a ni a; Dedicated Covid Health Centre Champhaia hri avanga nunna chan 6-na a ni. Heti hian Champhai District chhunga hri kai hmuh chhuah zinga thi chu mi 12 an tling ta a,
Champhai District mi leh sa hmun danga thi mi 5-te nen Covid 19 vanga thi mi 17 an awm tawh a ni.
Nimin khan Rapid Antigen Test hmangin hri kai mi 14 hmuh chhuah leh a ni a, Ruantlang leh Vengthlangah 4 ve ve, Bethelah mi 3, Electric Veng, Zotlang leh Zion Vengah te mi 1 theuh hmuhchhuah a ni a; TrueNat hmangin mi 9 hmuh chhuah a ni bawk a, Zotlangah mi
5, Kananah mi leh Hmunhmeltha leh Vengthlang North-ah pakhat ve ve hmuh chhuah a ni.
Heti hian Champhai District chhunga hri kai hmuhchhuah chu mi 5,622 an tling tawh a, nimin thleng khan mi 5,167 enkawl dam tawh
niin hri kai enkawl dam zat hi hri kai hmuhchhuah atanga chhutin za zela 91.90 a ni a, hri kai enkawl lai hi 444 an la awm mek.
Comments are closed.