COVID-19 VEI ZINGAH OXYGEN MAMAWH MI 5 ENKAWL MEK

Get real time updates directly on you device, subscribe now.

Champhai District chhungah hri kai mi 34 hmuhchhuah belh leh an ni.
Nimin khan Rapid Antigen Test hmangin Zion Vengah mi 14, Venglaiah 12, Vengthlangah mi 4 hri kai hmuh chhuah an ni a. Bethel, Vapar, Thekpui leh Lianpuiah te pakhat theuh hmuhchhuah a ni bawk. Nizan hmasa khan TrueNat hmangin hri kai mi 16 hmuhchhuah belh leh a ni bawk a. Vengthlangah mi 8, Venglaiah 5, Vengsangah 2 leh Kanan-ah pakhat hri kai hmuhchhuah an ni.
Thla hmasa, August thla chhung khan hri kai hi 882 hmuh chhuah niin, chawh ruailin ni tin hri kai 29 hmuh chhuah ziah ang a ni a, tun thla, Septemter thla chhungin hri kai mi 821 hmuhchhuah an ni a, nitin hri kai hi 49 hmuh chhuah ziah ang a ni.
Heti hian Champhai District chhunga hri kai hmuhchhuah chu 2,229 an tling tawh a. Nimin khan hri kai enkawl dam mi 12 te’n enkawlna hmun chhuahsan in, enkawl dam hi 1,592 an ni a. Hri kai hmuhchhuah zat atanga chhutin hri kai enkawl dam zat hi za zela 71.42 a ni a, hri kai enkawl lai hi 635 an la awm mek.
Hetihlai hian DCHC, District Hospital, Champhai-ah Covid-19 hri vei enkawl lai 11 an awm mek a. An zingah hian natna benvawn nei 4 leh oxygen hman ngai 5 an awm mek.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More