Champhai District chhungah Covid-19 hri kai 167 te chu enkawl dam an ni tawh.
Nimin khan Champhai District Covid Care Centre atangin hri kai enkawl mipa pahnih, kum 24 leh kum 46 mi te chu hri an kai tawh lo tih finfiah a nih hnuin dam taka chhuahtir an ni a. Heti hian Champhai District chhunga hri kai enkawl dam chu 167 an ni ta a,
enkawl dam zat hi za zela chhutin 81.86 a tling tawh a, mi 37 te chu enkawl mek an la ni a, hri kai hi an vaiin mi 204 an tling tawh a ni.
Covid Care Centre ah mipa 9 leh hmeichhia 7 enkawl mek an ni a, 4C Zokhawtharah mipa 5 leh hmeichhia 14 enkawl mek niin, enkawlna tha zawk dawng tura ZMC a thawn mipa leh hmeichhia pakhat ve ve an awm bawk.
Comments are closed.