Get real time updates directly on you device, subscribe now.
Kum 2017-a Chalrang tlangval tual thihnaa tualthattua puh, PC Sanghluna chu thiam loh chantir niin dam chhunga Lung In tang tura hrem a ni.
Kum 2017 March ni 12 tlai lam khan Chalrang tlangval, Lalruatmawia nen an lenna in chhung atanga koh chhuah niin, a pumah chemtea vih niin a hliam tuar lovin a boral a. A vittu ni ngeia hriat PC Sanghluna chu tlan boin hemi hnu hian Khawzawl Police Station-ah a inpe a. Khawzawl Police Station-ah thubuai ziah luh a ni.
Court-a thubuai put luh a nih hnuah Court chuan thu hretu hrang hrang kovin, tualthattua puh pawh thu zawh fiah a ni a. Finfiahna hrang hrang atangin PC Sanghluna hi tualthattu a ni ngei tih Court chuan nem nghetin nimin khan Liansangzuala, District & Session Judge, Champhai chuan thiam loh chantirin IPC Sec 302 tlawhchhanin dam chhung Lung In tang turin a chungthu hi a relsak ta a ni.
