Champhai Traffic Cell chuan Licence nei lo a lirthei khalh an man mi pahnih chu Champhai District Court-ah an thawn tawh.
Champhai Traffic Police te chuan mipui himtlan zawk nan lirthei khalh chungchang ah khauh zawkin hma an la a. License nei lova lirthei khalh an man, pawisa an chawitir zingah man nawn leh ngai an awm fo avangin, dan bawhchhia chu court-ah thawn an ni tawh ang tih thuchhuah an siam a. Hemi bawhzui hian niminpiah khan mi pahnih chu Court-ah hian thawn an ni a. License nei lova lirthei khalh hi Cheng 1000 chawitir leh thla thum thleng lung ina khung theih a nih thu Traffic OC, SI Hunter M Hnamte chuan a sawi.
Champhai Traffic Police chuan MV Act-in a sawi angin mi tupawhin lirthei kawngpui khawii hmunah pawh a khalh chhuak a nih chuan, Police officer duty in Driving Licence enfiah tura a dil a nih chuan enfiah thei turin a pe tur a ni a. Lirthei khalhtu ten englai pawhin lirthei an khalh a nih chuan licence hi keng vek turin an hriattir tih thuchhuah siamin an tarlang tel bawk.
Comments are closed.