DAN HNUAIAH VAWK 61 TIHHLUM TAWH A NI

Get real time updates directly on you device, subscribe now.

Thawhtanni khan Champhai District Level Coordination Committee on African Swine Fever (ASF) and other Trans-boundary Animal Diseases (TADs) chu an Chairman Maria CT Zuali, Bawrhsap hovin DC Conference Hall-ah an thukhawm.
May ni 11, 2021 a Champhai District Zokhawthar khuaa African Swine Fever hmuh chhuah a nih hnua hmalak dan hrang hrangte thlirho a ni a. Bawrhsap Maria CT
Zuali chuan ramri hrula awm Champhai District-ah ramri kaltlanga ran lakluh leh natna inkaichhawn tur ven a pawimawh hle tih sawiin, tun thlenga ran hrileng darh tur tha taka khuahkhirh a ni thei chu lawmawm a tih thu a sawi a. Thahnemngai taka venhim hna thawktu zawng zawngte chhungah lawmthu a sawi a ni.
Dr. B.Zonghinga, DVO Champhai chuan Champhai District dinhmun tlangpui a tarlng a. ASF lenna, infected area-a puan Zokhawthar tih loh chu khaw dangte an him vek rih a. Zokhawthar khuaah nimin thlengin
Vawk 223 a thi tawh tih a sawi bawk.
Champhai District chhunga tun thlenga thawhhona tha tak avanga Vawk hrileng thleng lova khuahkhirh a ni chu lawmawm
tiin, theihtawp chhuaha tan tlan zel ni se, an ti a. Vawk vulhtute hmakhua ngaiin Champhai District chhunga tualchhung vawk leh vawk note thar chhuah thahnem tak awm chu, District chhungkhaw danga phurhchhuaha zawrh a nih theih dan tur ruahmanna siam a ni a. Vawk hrisel leh dam tha chauh hralh chhuaha lei a nih ngei theihna turin ruahmanna siama bawhzui ni se. ASF hrilenna
hmuna puan Zokhawthar leh Myanmar atanga Vawk lakluh tur danbeh zel erawh khauh taka kenkawh zui ni se, an ti.
An thurel bawhzuiin Champhai District Magistrate Maria CT Zuali chuan ASF laka Champhai District a him theihna turin thla hnih chhung awh tur thupek thar a chhuah nghal a.
Champhai District chhungah Myanmar leh State dang atanga Vawk, vawksa leh vawksa atanga siam lakluh phal a nih loh thu te, Champhai District chhungah District dang atanga Vawk lakluh leh District danga phurh chhuah khap tlat a nih thu te, ASF len mekna
Zokhawthar khua atangin Vawk lakluh leh thawnchhuah phal a ni lo a. Vawk vulhtute harsatna sukiang turin Champhai District
chhunga khua/veng pakhat atanga khua/veng danga vawk lakluh leh thawnchhuah chu June, 2021 chhung atan phal a ni a. AH &Vety Department, VC, YMA leh VLTF-te hriatpuiin ruahmanna siam tur a ni a. Hei hian ASF len
mekna, Zokhawthar khua a huam loh tur thu te, Vawk thi a awmin paih mai lovin thuk taka phum zel tur a nih thu leh, Vawk damlo hralh
leh talh khap a ni tih te thupekah hian tarlan a ni.
AH & Vety Department Champhai tarlan danin Champhai District chhungah vawk 12,414 vel a awm mek a. March, 2019 atanga nimin thleng khan dan lova vawk phurh an man 122 awm tawhin, 19 te chu Myanmar lama thawnkir leh a ni a. Porcine Reproductive and Respiratory Syndrome (PRRS) hrikai 63 leh Classical Swine Fever (CSF) hrikai 4 hmuh chhuah niin, 61 te chu dan anga tihhlum hnuah phumbo a ni a, chhan dang vangin 27 a thi bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More