DAN LO A LAKLUH LEH RUIHHLO MAN

Get real time updates directly on you device, subscribe now.

Champhai District Customs Preventive Force, Champhai Police leh Assam Rifles te chuan August leh September thla khan Myanmar atanga dan lova kuhva lakluh Kg 4,75,480 an man.
August thla khan Customs Preventive Force, Champhai Police leh Assam Rifles tangkawp te chuan kuhva kg 64,650 an man a, Rs. 240,53,250 hu a ni a. September thlaah kuhva phur lirthei 18 atangin kg 4,10,830 an man a, an thil man hlut zawng hi Rs.
951,47,490 a ni.
Zokhawthar Border Trade chu khar chhunzawm zel la ni mah se dan lovin kuhva rah bakah ram dang cigaratte te a rukin lak luh thin niin Customs-a thawkte chuan an sawi a. Thla hnih chhung hian kuhva rah hi lirthei 24 atangin an man a. Ramdang cigaratte chu tum 22 bakah heroin leh sava tawlh rukte an man tel bawk.
Inrinni zan dar 7:00 vel khan Champhai leh Zokhawthar Police tangdun chuan, Zokhawthar dai, Zokhawthar atanga Champhai lam Km khat velah Heroin gram 629 an man a. A neitua puh Lalkohkima, s/o Lalsawithang, Aizawl Tuikual North-a cheng nia insawi an man bawk a. Ruihhlo neitua puh hi thubuai siam sak niin, vawiin hian court ah inlan tura hruai a ni ang.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More