Kumin October ni 14-a Champhai District Magistrate-in Champhai District chhungah dan lova sumdawnna bungraw phur lirthei tlan a khap hnuah, Dan lova sumdawnna bungrua Rs. Nuai 601 man chuang
zet man a ni tawh.
Champhai District Magistrate chuan, Champhai District chhungah dan lova sumdawnna bungraw phur lirthei avangin kawng siam tharte a chhe nasa a, kawng siam hna kal lai mekte a tihthuanawp nasat avangin kil tin atangin sawiselna leh rang taka hma la tura ngenna a lut tih a sawi a. October ni 14 khan Champhai District-ah dan lova sumdawnna phur lirtheite tlan khapna thupek a chhuak a.
Thupek chhuah a nih hnuah, Custom Preventive Force Champhai chhinchhiah danin October ni 14 hnu lam atanga nimin thleng khan Myanmar atanga dan lova Kuhva phurh luh Kudam panpui mek leh, Champhai atanga hmun dang pan tura phur chhuah Kuhva ro Bag 2,400 (Kg 1,35,250) Rs. 5,30,76,700 hu an man tawh a. Kuhva bakah hian Myanmar Sikret dan lova phurh luh Case 42, tualchhung hralhnaa chhuta Rs. 70,60,000 hu an man tawh bawk. October ni 14 hnu lama dan lova sumdawnna bungraw mante hi a vaiin Rs. 6,01,36,700 hu a ni.
Comments are closed.