DEO PISA MINISTER IN HAWNG DAWN

Get real time updates directly on you device, subscribe now.

Ruahman lawk ang chuan, karleh Nilaini khian Health & Family Welfare Board vice chairman Dr ZR Thiamsanga chuan Selam khuaa SRDC Rest House sak thar a hawng ang a. Ningani-ah Champhai DEO Office thar chu Education Minister Lalchhandama Ralte chuan a hawng dawn bawk.
Champhai North bialtu MLA Dr ZR Thiamsanga hi a bial chhung khaw hrang hrang fang turin tukin hian Aizawl atangin Aiduzawl a rawn pan dawn a, Rabungah a riak ang.
Nilaini-ah Rabung atangin Ngaizawl tlawhin, Champhai-ah riak turin a rawn chho ang a. Ningani-ah Champhai khawpui chhungah hun hmangin, Zirtawpni ah Ngur MZP in zirlai ti tha te chawimawina hun an buataih a hmanpui ang a, Ngur Bazar shed a hawng bawk ang.
Hemi hnu hian Hmunhmeltha leh North Khawbung a tlawh zuk leh ang. Inrinni-ah Champhai leh Zote ah hun a hmang ang.
Karleh Thawhtanni-ah Murlen, Vapar leh Hnahlan a tlawh ang a. Thawhlehniah N.Diltlang, Tualcheng, Lungphunlian tlawhin, Selam ah a riak ang. Nilaini-ah Selama SRDC Rest House a hawng ang a, Pamchung,
Khuangphah leh Vaikhawtlang tlawhin, Champhaiah a riang a.
Ningani-ah DEO Office hawn hunah Minister a tawiawm ang a. Zirtawpni-ah Neihdawn leh Tualpui tlawhin, Inrinni-ah Tualpui atangin Aizawl panin a kir thla ang.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More