Get real time updates directly on you device, subscribe now.
Mizoram Board of School Education chuan nimin khan Diploma in Elementary Education Final Examination 2021 result a tichhuak a, DIET Champhai atangin Top ten-ah mi 4 an lang a, DIET Champhai zirlai Zothanpuii chu a pumpuiah pakhatna a ni.
Nimin khan Mizoram Board of School Education chuan Diploma in Elementary Education (D.El.Ed) Final Examination 2021 a tichhuak a.
DIET Champhai atangin Top ten-ah mi 4 langin pakhatna atanga pathumna an hauh vek a ni. Zothanpuii d/o Kapliana, Vangtlang khua chuan Mark 1501 hmuin pakhatna a ni a; Lalawmpuii d/o Vawmlianthanga, Champhai Vengsang chu pahnihna niin, mark 1500 a hmu Lalremchhungi d/o Rohnuna, Champhai Kahrawt chu pathumna niin, Mark 1474 a hmu a. RK Lalnunpuii d/o RK Lalengliana, Champhai Vengthlang North chu pariatna niin, Mark 1452 a hmu a ni.
DIET Champhai atang hian Final exam hi mi 47 ten hmachhawnin, mi 46 an pass a, exam zawng zawng atangin zaa 97.87 te’n an pass a. Distinction-ah 13 an pass a, First Division-ah mi 33 an pass bawk a. Repeater hi 8 an awm a, an zinga 7 ten an pass a, exam ve thei ta lo pakhat erawh a inhlangkai zo ve ta lo thung a. An zinga pakhat hi Distinction ah a pass a, 6 hi 2nd Division ah an pass bawk.
Mizoram distruict hrang hranga DIET zingah, DIET Kolasib atangin top 10-ah mi pali – 4-na, 6-na leh 10-na an awm a. DIET Aizawl atangin top 10 ah pathum – 5-na, 7-na leh 9-na an awm a. DIET Lawngtlai atangin top 10-ah pakhat a lang a, 7-na a ni.
Comments are closed.